राजमो बागलुङको अध्यक्षमा ढुंगाना

संघीयताविरोधी अभियानमा लागेको राजमो नेकपा मसालको चुनावी मोर्चा हो । दुई पार्टी एक नीति चलाएको राजमोमा पछिल्लो समय टुटफुटको राजनीति मौलाएको थियो ।

अधिवेशनले ३५ सदस्य रहेको जिल्ला कार्यसमिति पनि चयन गरेको छ । त्यसबाहेक ११ सदस्य रहेको वैकल्पिक सदस्य तथा ११ सदस्य सल्लाहकार समिति पनि टुंगो लगाइएको छ ।

यसअघि अध्यक्ष रहेका अमर थापा तीन कार्यकाल भैसकेकोले यो पटक अगाडि बढेनन् । थापासहित ११ सदस्यीय सल्लाहकार समिति पनि चयन गरिएको जिल्ला सदस्य थानेश्वर सुवेदीले जानकारी दिए ।

गत स्थानीय निर्वाचन र संघीय तथा प्रदेशसभा निर्वाचनमा कांग्रेससँगको सहकार्य गरेकोमा राजमोमा अन्तरसंघर्ष चलेको छ । वामपन्थी एकताको पक्षमा लाग्नेलाई रोकेर केन्द्रीय अध्यक्ष चित्रबहादुर केसीले निर्वाचनमा कांग्रेससँग सहकार्य गराएका थिए ।