बलात्कार आरोपमा एक जना पक्राउ- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

बलात्कार आरोपमा एक जना पक्राउ

कान्तिपुर संवाददाता

बागलुङ — आफ्नै छोरीलाई बलात्कार गरेको आरोपमा बागलुङमा एक पुरुष पक्राउ परेका छन् । यहाँको काठेखोला गाउँपालिकाका ३३ वर्षीय बाबुले १५ वर्षीया छोरीलाई बलात्कार गरेको प्रहरीको प्रारम्भिक अनुसन्धानबाट खुलेको हो ।

गत असोज ६ गते बलात्कारमा परेकी ती छोरीले बाबु नभएको मौका पारेर माघ ६ गते मात्रै जिल्ला प्रहरीमा उजुरी गरेकी हुन् । उजुरीपछि प्रहरीले ती व्यक्तिलाई बुटवलबाट पक्राउ गरेको हो । आइतबार उनलाई प्रहरीले पक्राउ गरेर बागलुङ ल्याएको छ ।

प्रहरीले जबर्जस्ती करणी तथा हाडनाता करणी मुद्दा दर्ता गरेको पनि जनाएको छ । घटना ५ महिनाअघि भए पनि डरधम्कीका कारण उजुरी गर्न नसकेकी पीडितले बाबु नभएको मौका पारेर उजुरी दिएकी हुन् । पीडितको स्वास्थ्य परीक्षणपछि आमासँगै बसेको प्रहरी नायव उपरीक्षक गंगाबहादुर थापाले बताए ।

प्रकाशित : माघ १०, २०७९ १६:०२
प्रतिक्रिया
पठाउनुहोस्

प्रतिनिधिसभाको अर्को बैठक बुधबार १ बजे बस्ने

कान्तिपुर संवाददाता

काठमाडौँ — प्रतिनिधिसभाको अर्को बैठक माघ १८ गते बुधबार दिउँसो १ बजे बस्ने भएको छ । मंगलबारको बैठकले २१ सदस्यीय प्रतिनिधिसिभा नियमावली मस्यौदा समिति गठन गरेको छ ।

बैठकमा नवनिर्वाचित सभामुख र उपसभामुखलाई दल र स्वतन्त्र सांसदहरूले बधाई ज्ञापन गरेका छन् । बधाई ज्ञापनपछि सभामुख देवराज घिमिरेलाई बधाई दिनेहरूलाई धन्यवाद भन्दै बैठक स्थगित गरेका हुन् । उनले अर्को बैठक माघ १८ गते बुधबार दिउँसो १ बजे बस्ने गरी स्थगित गरे ।

नेकपा माओवादी केन्द्रका सांसद देवेन्द्र पौडेलको प्रस्तावमा गठन भएको नियमावली मस्यौदा समितिमा सांसदहरु अनिता देवी, अमरेशकुमार सिंह, गंगाधर चौधरी, चित्रबहादुर केसी, जीवन परियार, दिलेन्द्रप्रसाद बडू, नागिना यादव, प्रकाश ज्वाला, प्रदीप यादव, प्रेम सुवाल, महेशप्रसाद गर्तौला, रमेश लेखक, लिलानाथ श्रेष्ठ, विद्या भट्टराई, शक्तिबहादुर बस्नेत, सर्वेन्द्रनाथ शुक्ला, सीता गुरुङ, सुवाषचन्द्र नेम्वाङ, सोबिता गौतम, हितराज पाण्डे र ज्ञानबहादुर शाही रहेका छन् ।

प्रकाशित : माघ १०, २०७९ १५:५६
पूरा पढ्नुहोस्
प्रतिक्रिया
पठाउनुहोस्
×