कान्तिपुरकर्मी उप्रेती पुरस्कृत- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

कान्तिपुरकर्मी उप्रेती पुरस्कृत

कान्तिपुर संवाददाता

पोखरा — गोरखास्थित कान्तिपुर संवाददाता हरिराम उप्रेती तुलसी स्मृति पत्रकारिता पुरस्कार २०७९ बाट शुक्रबार पुरस्कृत भएका छन् । दुर्गम गाउँबस्ती पुगेर गरेको पत्रकारिताको उच्च मूल्यांकन गर्दै उप्रेतीलाई उक्त पुरस्कार दिइएको हो ।

पत्रकार महासंघ केन्द्रीय सचिव सिर्जना अर्याल, गण्डकी प्रदेश अध्यक्ष नारायण शर्मालगायतले उप्रेतीलाई सम्मानपत्र, दोसल्ला र नगद पुरस्कार प्रदान गरेका थिए ।

पुरस्कारको राशि १० हजार रुपैयाँ रहेको छ । सदरमुकाम गोरखा बजारका समाजसेवी तुलसी अर्यालको स्मृतिमा उनका छोराहरुले २०६९ मा स्थापना गरेको पुरस्कार कोष पत्रकार महासंघ गोरखाले संचालन गर्दै आएको छ ।

प्रकाशित : मंसिर १६, २०७९ १९:०६
प्रतिक्रिया
पठाउनुहोस्

काठमाडौं वेयरहाउसको नेपाल फ्रेट फरवार्डस् एसोसिएसन र नेपाल कुरियर सेवासंघबीच समझदारी

कान्तिपुर संवाददाता

काठमाडौँ — काठमाडौं वेयरहाउस एन्ड डिस्ट्रिब्युसन सेन्टरले नेपाल फ्रेट फरवार्डस एसोसिएसन र नेपाल कुरियर सेवासंघसँग वेयरहाउजिङ, वितरण तथा व्यवसायिक सहायक सेवाहरू प्रवाह गर्नका लागि समझदारी गरेको छ । यो समझदारीसँगै ती संस्थाका सदस्य कम्पनीहरूले न्यून दरमा गोदाम, वितरण तथा अन्य सेवाहरू उपयोग गर्न सक्ने जनाइएको छ ।

शुक्रबार हस्ताक्षर गरिएको सो सम्झौतापत्रका अनुसार केडब्ल्युडीसीले संकलन गरेको शुल्कको केही हिस्सा साझेदार संस्थाहरूलाई फिर्ता गरिनेछ जसबाट उनीहरूले विभिन्न विकासका कार्यहरू गर्न सक्नेछन् । यसले दुवै पक्षलाई लाभ मिल्ने अपेक्षा गरिएको छ ।

केडब्ल्युडीसीले वेयरहाउस म्यानेजमेन्ट सिस्टम प्रयोग गरी काठमाडौं भित्रिने सामान रिसिभ गरेर पहिले नै छुट्याइएको स्टलहरूमा भण्डारण गर्छ । यहाँ रिप्याकिङ र अभिवृद्धि सुविधा पनि उपलब्ध रहेको कम्पनीले जनाएकाे छ । काठमाडौंमा व्यावसायिक तथा व्यवस्थित गोदाम एवं मालवाहक ट्रक र ट्रेलरहरूको लागि सजिलो पहुँच नभएको र वितरण केन्द्रको समेत अभाव रहेको कम्पनीको भनाइ छ । यस्ता समस्याको समाधान खोज्ने उद्देश्यले वेयरहाउस एन्ड डिस्ट्रिब्युसन सेन्ट स्थापना गरिएको कम्पनीले जनाएको छ ।

प्रकाशित : मंसिर १६, २०७९ १८:५३
पूरा पढ्नुहोस्
प्रतिक्रिया
पठाउनुहोस्
×