मनास्लु हिमपहिरोमा मृत्यु भएका राईको शव काठमाडौं लैजाने तयारी- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

मनास्लु हिमपहिरोमा मृत्यु भएका राईको शव काठमाडौं लैजाने तयारी

हिउँमा फसेका सबैको उद्धार भयो : प्रहरी
हरिराम उप्रेती

गोरखा — मनास्लु हिमालमा सोमबार गएको हिमपहिरोमा परी मृत्यु भएका शंखुवासभाका ३४ वर्षीय अनुप राईको शव सामागाउँ ल्याइएको छ । राईको शव सिम्रीक एयरको हेलिकप्टर मार्फत् सामागाउँ ल्याइएको जिल्ला प्रहरी कार्यालय गोरखाका डीएसपी लिलाराज लामिछानेले जानकारी दिए ।

‘१५ मिनेटअघि शव सामागाउँ ल्याइपुर्‍याएका छौं,’ उनले भने,‘प्रारम्भिक काम सकेर आजै शव काठमाडौं पठाउने तयारी भइरहेको छ ।’ मंगलबार दिउँसोदेखि नै हिउँबाट शव झिक्ने प्रयास गरिए पनि मौसक प्रतिकुलताका कारण हेलिकप्टर हिमपहिरो गएको ठाउँमा पुग्न सकेको थिएन ।

यस्तै हिमपहिरोमा फसेका सबैको उद्धार भएको गोरखा प्रहरीले जनाएको छ । मंगलबार मात्र आठ जनाको उद्धार गरिएको छ ।उनीहरूमध्ये एक जना पुन: बेसक्याम्पतर्फ फर्किएका छन् भने सात जनालाई काठमाडौं पठाइएको छ ।

दुई जना सामान्य घाइते भने हिँडेर पहिलो क्याम्पमा आएको लामिछानेले जानकारी दिए । यसअघि सोमबार नै दुई जना घाइतेको उद्धार गरिएको थियो । मनास्लु हिमालको क्याम्प ३ र ४ बीचमा सोमबार हिमपहिरो खस्दा आरोहणका लागि पुगेकाहरू हिउँमै फसेका थिए ।

प्रकाशित : आश्विन ११, २०७९ १६:४२
प्रतिक्रिया
पठाउनुहोस्

‘कवि विमल गुरुङ कृति पुरस्कार’ का लागि १० कृतिको सूची सार्वजनिक

कान्तिपुर संवाददाता

सुनसरी — धरानस्थित कवि विमल गुरुङ स्मृति पुस्तकालयले ‘कवि विमल गुरुङ कृति पुरस्कार २०७८’ का लागि मंगलबार १० पुस्तकहरू छनोट गरेको छ । उक्त पुरस्कारका लागि ४० जना लेखक‚ कवि तथा साहित्यकारहरूले ०७८ सालभित्र प्रकाशित भएका आफ्ना कृति दर्ता गराएका थिए ।

पुस्तकालयले गठन गरेको कवि विमल कृति पुरस्कार समितिलाई निर्णायक समितिले १० श्रेष्ठ कृतिको नाम उपलब्ध गराएको हो । पुस्तकालयले नेपालमा मात्र नभएर विदेशमा बसेर नेपालीमा लेखिएका सबै विषयका पुस्तकलाई पनि मनोनयन खुला राखेको थियो ।

पुस्तकालयका संरक्षक तथा अध्यक्ष पूर्णबहादुर गुरुङका अनुसार कवि विमल गुरुङको ५१औं जन्मजयन्तीका अवसरमा धरान-१८ बुद्धचोकस्थित पुस्तकालयमा कात्तिक १९ गते आयोजना हुने ३१औं राष्ट्रिय कविता महोत्सव-२०७९ मा छनोट गरिएका मध्येबाट एक पुस्तकलाई परस्कार प्रदान गरिने छ । पुरस्कार राशी नगद २ लाख र ताम्रपत्र रहको छ ।

छनोट भएका पुस्तकहरूमा प्रणय शंकरको कविता संग्रह ‘काँसभाँडा’, कविता राईको उपन्यास ‘गुरू’, निर्मल तामाङको कविता संग्रह ‘जब हावा चल्छ’, दिलीप बान्तवाको कथा संग्रह ‘ताल्चा’, सुनिता राई कन्दङ्वाको कथासंग्रह ‘तिउरी’, काङमाङ नरेश राईको कविता संग्रह ‘तेप्लायु’, विशाल विश्वकर्माको उपन्यास ‘दार्जिलिङ भर्सेस दार्जिलिङ’, बसन्त बस्नेतको उपन्यास ‘महाभारा’, दिपा मेवाहाङ राईको कविता संग्रह ‘यादको सन्दुक’ र अर्जुनबाबु माबुहाङ र अमित थेवे मिहाङको इतिहास पुस्तक ‘सिरिजङ्गा, फाल्गुनन्द र इमानसिंहका लेखोट’ रहेको अध्यक्ष पुर्णवहादुर गुरुङले बताए ।

प्रकाशित : आश्विन ११, २०७९ १६:३१
पूरा पढ्नुहोस्
प्रतिक्रिया
पठाउनुहोस्
×