स्याङ्जामा फरार प्रतिवादी पक्राउ- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

स्याङ्जामा फरार प्रतिवादी पक्राउ

प्रतीक्षा काफ्ले

कास्की — गोरु मारेको मुद्दामा १ वर्ष १ महिना ५ दिन कैद सजाय तोकिएपछि फरार रहेका स्याङ्जाको अर्जुनचौपारी गाउँपालिका–४ का ३१ वर्षीय खेमबहादुर परियार पक्राउ परेका छन् । 

जिल्ला अदालत स्याङ्जाको २०७८ असोज ७ को फैसालाले उनलाई सो सजाय सुनाएको थियो । प्रहरीले एक वर्षपछि परियारलाई बुधबार पक्राउ गरी बिहीबार जिल्ला अदालतमा पेस गराएको र कैद भुक्तानका लागि सोही दिन कारागार चलान गरिएको छ ।

प्रकाशित : आश्विन ७, २०७९ १७:३०
प्रतिक्रिया
पठाउनुहोस्

एक हजार रुपैयाँले बढ्यो सुनको भाउ

कान्तिपुर संवाददाता

काठमाडौँ — बिहिबार प्रतितोला ९१ हजार ८ सय रुपैयाँमा कारोबार भएको छापावाला सुन शुक्रबार बढेर ९२ हजार ८ सय रुपैयाँमा कारोबार भइरहेको छ ।

शुक्रबार सुनको मूल्य एक हजार रुपैयाँ बढेको छ ।नेपाल सुनचादी व्यवसायी महांसघका अनुसार पछिल्लो समय सुनको भाउमा उतारचढाब देखिएको छ । आइतबार प्रतितोला ९१ हजार ९ सय रुपैयाँमा सुनकाे कारोबार भएको थियो । सोमबार ४ सय रुपैयाँ घटेर प्रतितोला ९१ हजार ४ सय रुपैयाँमा कारोबार भएको थियो । मंगलबार ४ सय रुपैयाँ बढेर प्रतितोला ९१ हजार ८ सय रुपैयाँ पुग्यो । बुधबार प्रतितोला ५ सय रुपैयाँ घटेर ९१ हजार ३ सय रुपैयाँमा झर्‍यो ।

बिहीबार फेरि बढेर प्रतितोला ९१ हजार ८ सय रुपैयाँ पुगेको थियो । त्यस्तै, शुक्रबार प्रतितोला १ हजार रुपैयाँ बढेर प्रतितोला ९२ हजार ८ सय रुपैयाँ पुगेको छ । महासंघका अनुसार चाँदीको मूल्य पनि तोलामा १५ रुपैयाँ बढेको छ । बिहीबार ११ सय ८५ रुपैयाँमा खरिदबिक्री भएको चाँदी बिहिबार १२ सय रुपैयाँमा कारोबार भइरहेको छ ।

प्रकाशित : आश्विन ७, २०७९ १६:५५
पूरा पढ्नुहोस्
प्रतिक्रिया
पठाउनुहोस्
×