दसैंको मुखमा सडकको चिन्ता

दसैंमा गाउबाहिर तथा बिदेशमा समेत रहेका सर्वसाधारण दसैंमा टीका थाप्न गाउँ आउनेक्रममा सहज आवागमन नहुने देखिएको छ । पालिकाले समयमै सडक मर्मतमा चासो नदिँदा मुखैमा आइरहेको दसैंमा सर्वसाधारण घण्टौं पैदल हिड्नुपर्ने बाध्यता हुन सक्ने ग्रामीण सडकहरूको अवस्थाले देखाएको छ ।

असारको पहिलो सातादेखि बाढीपहिरोले अवरुद्ध भएका पर्वतका ग्रामीण सडक अझै मर्मत भएका छैनन् । सडक मर्मत नहुँदा यसपालि दसैंमा गाउँ जाने र बजार झर्ने सर्वसाधारणले कष्ट व्यहोर्नुपर्ने अवस्था आउने मोदी गाउापालिका–२ का बालकृष्ण चापागाईले गरे ।

‘क्षबेतेनीदेखि माथि आउने बाटै छैन,’ उनले भने, ‘बजार गएर घर फर्किऊ भने दिनभरि लाग्छ । सानातिना पहिरा पन्छाएर सडक खुलाउन सकिए दुई घण्टामै बजार आउजाउ गरिन्थ्यो । यो कुरा पालिकाले सुन्दै सुनेन ।’ स्थानीयले सडक मर्मतका लागि पालिकामा पटकपटक भन्दासमेत सुनुवाइ नभएको स्थानीयले बताएका छन् ।