नवलपरासीको नमूना माध्यमिक विद्यालयमा बाढी पस्यो
नवलपरासी — पूर्वी नवलपरासीको गैंडाकोटस्थित जनक नमूना माध्यमिक विद्यालयमा मङलबार बाढी पसेर कोठामा रहेका ४० वडा कम्प्युटरमा क्षति पुगेको बताइएको छ ।
महेन्द्र राजमार्गदेखि उत्तरतर्फबाट आएको बाढीले स्कुलको पर्खाल भत्काउँदा यस्तो क्षति भएको हो । बाढीका कारण अन्य शैक्षिक सामग्रीमा पनि क्षति पुगेको स्थानीयले बताएका छन् ।कक्षा कोठाभित्र ७ फिटसम्म पानी जमेको स्थानीयहरूले बताएका छन् ।
वर्षाका कारण मंगलबार बिहानदेखि नै नवलपरासीको गैंडाकोट क्षेत्र जलमग्न भएको छ । जसकारण सवारीसाधन साथै स्थानीयहरूलाई आवतजावत गर्न पनि कठिन भएको छ । वर्षाका कारण यहाँको जनवीवन प्रभावित बनेको छ ।
प्रकाशित : श्रावण १७, २०७९ १८:३१प्रतिक्रिया