धन्सार भत्किँदा बहिनीको मृत्यु दाजु घाइते
कास्की — स्याङ्जाको गल्याङ नगरपालिका-१० दुविनडाँडामा धन्सार भत्किँदा एक जनाको मृत्यु भएको छ । केही दिनदेखि परिरहेको अविरल वर्षाका कारण धन्सार भत्किँदा स्थानीय ढाकाराम भट्टराईकी छोरी रेखा भट्टराईको मृत्यु भएको छ भने उनका दाजु घाइते भएका छन् ।
धन्सारमा पुरिएकी रेखालाई गल्याङ नगर अस्पतालमा उपचारको क्रममा चिकित्सकले मृत घोषणा गरेका हुन् ।
कच्ची धन्सार बिहीबार बिहान ५ बजे भत्किएको जिल्ला प्रहरी प्रवक्ता रवीन्द्र खनालले जानकारी दिए । उनका अनुसार मृतकको शव पोस्टमार्टमका लागि वालिङको प्राथमिक स्वास्थ्य केन्द्रमा ल्याउने तयारी भइरहेको छ ।
प्रकाशित : असार १६, २०७९ १०:१६प्रतिक्रिया