तनहुँको बांगे रहमा डुबेर दुई जनाको मृत्यु- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

तनहुँको बांगे रहमा डुबेर दुई जनाको मृत्यु

सम्झना रसाइली

तनहुँ — तनहुँको भानु नगरपालिका वडा नम्बर २ र ५ को संगमस्थल बांगे रहस्थित चुँदी खोलामा माछा मार्न गएका दुई जनाको खोलामा डुबेर मृत्यु भएको छ ।

खोलामा माछा मार्दै पौडी खेल्ने क्रममा उनीहरूको मृत्यु भएको प्रहरी नायब उपरीक्षक युवराज खड्काले बताए ।

मृत्यु हुनेमा भानु–२ का ३५ वर्षीय धनबहादुर गुरुङ र २२ वर्षीय सागर गुरुङ रहेको प्रहरीले जनाएको छ ।

दुवैको शव पोष्टमार्टमका लागि दमौली अस्पताल ल्याइएको र घटना सम्बन्धी थप अनुसन्धान भइरहेको प्रहरीले जनाएको छ ।

प्रकाशित : जेष्ठ २९, २०७९ २०:०७
प्रतिक्रिया
पठाउनुहोस्

मुग्लिङ-आँबुखैरेनी सडक खण्ड सञ्चालनमा 

सम्झना रसाइली

तनहुँ — पृथ्वी राजमार्गअन्तर्गत मुग्लिङ–आँबुखैरेनी सडक खण्ड खुला गरिएको छ । करिब ३ मिटर पहरो काटेर एकतर्फी बाटो सञ्चालनमा ल्याइएको तनहुँका निमित्त प्रमुख जिल्ला अधिकारी काशीराम गैरेले जानकारी दिएका छन् । उनका अनुसार उक्त खण्डमा साना र ठूला सबै प्रकारका सवारी साधन जतिखेर पनि चल्न सक्नेछन् ।

गत शुक्रबार आँबुखैरेनी गाउँपालिका–४ साँखरस्थित मर्स्याङ्दी विद्युत्‌गृह नजिकै सडक भासिएपछि यातायात अवरुद्ध भएको थियो । पहरो काटेर सडक बनाउन सोही दिन साँझ ७ देखि बिहान ५ बजेसम्मका लागि यातायात चलाउन रोक लगाइएको थियो ।

जिल्ला प्रशासन कार्यालय तनहुँले साना सवारी साधन र दुई पांग्रे सवारी साधनहरुलाई बिहान ५ देखि ७ बजेसम्म मात्र सञ्चालन गर्न आग्रह गरेको थियो भने ठूला तथा मालवहाक सवारी साधनलाई वैकल्पिक बाटो प्रयोग गर्न आग्रह गरेको थियो ।

राजमार्गअन्तर्गत मुग्लिङ–आँबुखैरेनी खण्ड खुल्ला भए पनि याँम्फाफाँटदेखि घाँसीकुवा खण्डमा भने राति ११ देखि बिहान ४ बजेसम्म यातायात बन्द रहने छ । मुग्लिङ–पोखरा सडकखण्ड चार लेनको बनाउन भन्दै यसअघि नै रातिको समयमा यातायात चलाउन रोकेको थियो ।

प्रकाशित : जेष्ठ २९, २०७९ २०:०१
पूरा पढ्नुहोस्
प्रतिक्रिया
पठाउनुहोस्
×