पोखरामा मतगणनास्थलबाट दुई नक्कली प्रतिनिधि पक्राउ- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

पोखरामा मतगणनास्थलबाट दुई नक्कली प्रतिनिधि पक्राउ

दीपक परियार

पोखरा — पोखरा महानगरपालिकाको मतगणनास्थलबाट प्रहरीले दुई जना नक्कली प्रतिनिधिलाई शुक्रबार पक्राउ गरेको छ ।

राजनीतिक दलको गणक प्रतिनिधिको रूपमा नक्कली पास बनाएर गणनास्थल प्रवेश गर्न खोज्ने दुईजनालाई मुख्य निर्वाचन अधिकृतको कार्यालय परिसरबाट प्रहरीले पक्रिएको हो ।

जिल्ला प्रहरी कार्यालयका प्रवक्ता सुन्दर तिवारीले उनीहरूलाई वडा प्रहरी कार्यालय बैदाममा राखेर अनुसन्धान गरिरहेको बताए ।

प्रहरीले पक्राउ परेका व्यक्तिको नाम र दल भने गोप्य राखेको छ ।

प्रकाशित : जेष्ठ ६, २०७९ १२:०४
प्रतिक्रिया
पठाउनुहोस्

पोखराको मेयरमा समाजवादीका आचार्यको अग्रता कायमै

उपमेयरमा एमालेकी मञ्जु ९ मतले अगाडि
दीपक परियार

पोखरा — पोखरा महानगरपालिकामा बिहीबार दिउँसो २ बजेसम्म ५२ हजार ८ सय १७ मत गणना गर्दा सत्तारुढ गठबन्धनबाट एकीकृत समाजवादीका मेयर उम्मेदवार धनराज आचार्यले निरन्तर अग्रता बनाइरहेका छन् ।

गठबन्धनका तर्फबाट उम्मेदवार आचार्यले एमालेका कृष्णबहादुर थापालाई २ हजार ४ सय ९२ मतले पछि पारेका छन् । आचार्यले २१ हजार ८ सय ८० र थापाले १९ हजार ३ सय ८८ मत ल्याएका छन् ।

उपमेयरमा भने एमालेकी मञ्जुदेवी गुरूङले ९ मतले अग्रता लिएकी छन् । उनको २३ हजार १ सय ३१ मत आउँदा कांग्रेसकी कोपिला रानाभाटले २२ हजार १ सय २२ मत प्राप्त गरेकी छन् । मेयरमा राप्रपाका शंकर खरालले २ हजार ८ सय ६ मत प्राप्त गर्दा अटेरी समूहका स्वतन्त्र उम्मेदवार खडकराज पौडेल (गनेस) ले १ हजार १ सय ८३ मत ल्याएका छन् ।

हालसम्म एमालेले वडा १, ५ र ६ जितेको छ । कांग्रेसले वडा २, ३, ४, १२, १३, २३, २४, २५ र २६ जितेको छ । हाल वडा ७, ८, ९, १४, २०, २७, २८, २९ र ३० को गणना भइरहेको छ ।

०७४ मा पोखराका ३३ मध्ये एमालेले २२ र कांग्रेसले ११ वटा वडा जितेको थियो । पोखरामा २ लाख ७ हजार ७ सय १२ मतदाता रहेकोमा १ लाख ४३ हजार २ सय २६ (६८.९६ प्रतिशत) मत खसेको थियो ।

प्रकाशित : जेष्ठ ५, २०७९ १४:१०
पूरा पढ्नुहोस्
प्रतिक्रिया
पठाउनुहोस्
×