पोखरामा मतगणनास्थलबाट दुई नक्कली प्रतिनिधि पक्राउ- गण्डकी - कान्तिपुर समाचार

पोखरामा मतगणनास्थलबाट दुई नक्कली प्रतिनिधि पक्राउ

दीपक परियार

पोखरा — पोखरा महानगरपालिकाको मतगणनास्थलबाट प्रहरीले दुई जना नक्कली प्रतिनिधिलाई शुक्रबार पक्राउ गरेको छ ।

राजनीतिक दलको गणक प्रतिनिधिको रूपमा नक्कली पास बनाएर गणनास्थल प्रवेश गर्न खोज्ने दुईजनालाई मुख्य निर्वाचन अधिकृतको कार्यालय परिसरबाट प्रहरीले पक्रिएको हो ।

जिल्ला प्रहरी कार्यालयका प्रवक्ता सुन्दर तिवारीले उनीहरूलाई वडा प्रहरी कार्यालय बैदाममा राखेर अनुसन्धान गरिरहेको बताए ।

प्रहरीले पक्राउ परेका व्यक्तिको नाम र दल भने गोप्य राखेको छ ।

प्रकाशित : जेष्ठ ६, २०७९ १२:०४
प्रतिक्रिया
पठाउनुहोस्

सुनसरीको कोशी गाउँपालिकामा कांग्रेसका अन्सारी र यादव विजयी

सुम्निमा चाम्लिङ

इटहरी — सुनसरीको कोशी गाउँपालिकाको अध्यक्ष र उपाध्यक्षमा नेपाली कांग्रेसका उम्मेदवार निर्वाचित भएका छन् । अध्यक्षमा कांग्रेसका एयुब अन्सारी ६ हजार ४ सय १६ मत सहित विजयी भएका छन् ।

उनका निकटतम प्रतिद्वन्द्वी जनता समाजवादी पार्टीका देवकृष्ण यादवले ५ हजार २ सय १७ मत प्राप्त गरे । यस्तै, उपाध्यक्षमा कांग्रेसकी अनिता देवी यादव ५ हजार ३ सय ९९ मत सहित विजयी भइन् ।

उनका प्रतिद्वन्द्वी जनता समाजवादी पार्टीकी अणुदेवी खैरवारले ४ हजार ७ सय ८ मत प्राप्त गरिन् । अघिल्लो स्थानिय तहको निर्वाचनमा समेत कांग्रेसको तर्फबाट अन्सारी र यादव विजयी भएका थिए ।


प्रकाशित : जेष्ठ ६, २०७९ ११:५६
पूरा पढ्नुहोस्
प्रतिक्रिया
पठाउनुहोस्
×