गलकोटको मेयरमा गैरे विजयी- गण्डकी - कान्तिपुर समाचार

गलकोटको मेयरमा गैरे विजयी

प्रकाश बराल

बागलुङ — बागलुङको गलकोट नगरपालिकामा कांग्रेसका भरत शर्मा गैरे नगर प्रमुख निर्वाचित भएका छन् । गैरे दोश्रो पटक गलकोट नगरप्रमुखमा निर्वाचित भएका हुन् ।


सोमबार बिहान सम्पन्न भएको मतपरिणाम अनुसार गैरेले ५ हजार ४ सय १४ मत ल्याएर विजयी भएका हुन् । उनका निकटतम प्रतिद्वन्द्वी नेकपा एमालेका पूर्ण काउचाले ३ हजार ५ सय १९ मत प्राप्त गरे । स्वतन्त्र उमेदवार मञ्जु शर्माले ३ हजार २ सय ६२ ल्याइन् । उनी कांग्रेसबाटै बागी उमेदवार थिइन् ।

उपप्रप्रमुखमा माओवादीका फमलाल निउरे विजयी भए । निउरेले ६ हजार ३९ मत प्राप्त गरेका थिए । उनका निकटतम प्रतिद्वन्द्वी नेकपा एमालेकी रुपा बिकले ३ हजार ५७ मत पाइन् ।

उपमेयरमा स्वतन्त्र तिलक उप्रेतीले १ हजार ९ सय ८१ मत ल्याए । उप्रेती माओवादीकै बागी उमेदवार थिए ।

प्रकाशित : जेष्ठ २, २०७९ ०७:१२
प्रतिक्रिया
पठाउनुहोस्

मतगणना भइरहेका बागलुङका चार पालिकामा गठबन्धनको अग्रता

प्रकाश बराल

बागलुङ — बागलुङका चार पालिकामा जारी मतगणनामा गठबन्धनका उम्मेदवारहरुले अग्रता लिएका छन् ।गलकोट र जैमिनी नगरपालिका तथा ताराखोला र निसीखोला गउँपालिकामा गठबन्धनका उम्मेदवार अगाडि देखिएका हुन् ।

गलकोट नगरपालिकाको वडा नंं १ को अध्यक्षमा गठबन्धनका उम्मेदवार लालबहादुर रानाको प्यानल नै विजयी भएको छ । त्यस्तै वडा नंं ११ मा भने एमालेका डम्बर श्रीष वडा अध्यक्षमा बिजयी भएका छन् । गलकोट नगरपालिकाको प्रमुखमा कांग्रेसका भरत शर्मा गैरेले १ हजार ३८ मत ल्याएर अग्रता लिएका छन् भने एमालेका पूर्ण काउचाले ६ सय ५६ मत ल्याएका छन् । स्वतन्त्र उमेदवार मञ्जु शर्माले ३ सय २९ मत ल्याएकी छिन्। उपप्रमुखमा माओवादीका फमलाल निउरेले ९ सय ८५ मतले अग्रता लिएका छन् । एमालेका रुपा विकले ७ सय ४९ र स्वतन्त्र उम्मेदवार तिलक उप्रेतीले १ सय ६ मत पाएका छन् ।

ताराखोला गाउँपालिकाको अध्यक्ष पदमा माओवादीका धनबहादुर विकले ६ सय ८६ मतले अग्रता लिएका छन् । एमालेका ऋषिराम रोकाको १ सय ११ र स्वतन्त्र उम्मेदवार प्रकाश घर्तीको २ सय ९० मत छ । उपाध्यक्षमा कांग्रेसका भिमबहादुर रोकाले ७ सय २० मतले अग्रता लिएका छन् । एमालेका थममाया घर्तीले २ सय ३४ मत पाएकी छिन् ।

निसीखोलामा पनि गठबन्धनले अग्रता लिएको छ । अध्यक्ष पदमा कांग्रेसका सूर्यबहादुर घर्तीले ३ सय ५७ मतले अग्रता लिएका हुन् । एमालेका भूमिराज घर्ती मगरले ३ सय १८ मत पाएका छन् । उपाध्यक्षमा माओवादीका प्रेमबहादुर घर्तीले ३ सय ४० र एमालेका भोटु चन्दले ३ सय २८ मत पाएका छन् । जैमिनी नगरपलिकामा गठबन्धनका तर्फबाट राजमोका नरबहादुर पुनले १ सय ५० मतले अग्रता लिएका छन् । एमालेका लीला रानाले ४० मत पाएका छन् । उपप्रमुखमा कांग्रेसका हरिहर शर्माले १ सय ३२ र एमालेकी उषा पौडेलले ३८ मत पाएकी छिन् ।

प्रकाशित : वैशाख ३१, २०७९ १६:०४
पूरा पढ्नुहोस्
प्रतिक्रिया
पठाउनुहोस्
x
×