दुई दिनदेखि बेपत्ता व्यक्ति मृत भेटिए- गण्डकी - कान्तिपुर समाचार

दुई दिनदेखि बेपत्ता व्यक्ति मृत भेटिए

हरिराम उप्रेती

गोरखा — गण्डकी गाउँपालिका–६ देविस्थानका ५२ वर्षीय लगबहादुर थापा बेपत्ता भएको दुई दिनपछि बिहीबार मृत भेटिएका छन् । थापा मंगलबार रातिदेखि हराएका थिए ।

बिहीबार दिउँसो घरबाट करिब २ किलोमिटर टाढा नाचने भीरको जंगलमा थापाको शव फेला परेको जिल्ला प्रहरी कार्यालय गोरखाका प्रहरी निरीक्षक हिमनाथ घिमिरेले बताए ।

‘दुई दिनअघि राति खाना खाएर सुत्नुभएको रहेछ, बिहान श्रीमतिले उठेर हेर्दा नदेखेपछि हिजोदेखि खोजतलास भइरहेको थियो, आज भीरमा शव भेटियो,’ उनले भने । मृतककको शव पोष्टमार्टमका लागि गोरखा अस्पताल ल्याउने तयारी गरिएको र घटनाको अनुसन्धान भइरहेको उनले बताए ।

प्रकाशित : वैशाख २९, २०७९ १७:३६
प्रतिक्रिया
पठाउनुहोस्

ताप्लेजुङमा बेलुका ८ देखि बिहान ४ बजेसम्म निषेधाज्ञा

आनन्द गौतम

ताप्लेजुङ — जिल्ला प्रशासन कार्यालय ताप्लेजुङले बिहीबार बेलुका ८ देखि बिहान ४ बजेसम्म कसैलाई घर बाहिर ननिस्कन र हिँडडुल नगर्न आदेश जारी गरेको छ ।

प्रमुख जिल्ला अधिकारी महेश कुमार पोखरेलले बिहीबार मध्यान्ह जारी गरेको अत्यन्त जरुरी सूचनामा अत्यावश्यक कामले घर बाहिर निष्कनुपरे सुरक्षा निकायको अनुमति लिनुपर्ने उल्लेख छ ।

निर्वाचन सुरक्षालाई ध्यानमा राखी जिल्ला निर्वाचन अनुगमन समितिको निर्णयमा आदेश जारी गरिएको पोखरेलले बताए ।

अनुगमन समिति मुख्य निर्वाचन अधिकृत एंव जिल्ला न्यायाधीशको नेतृत्वमा हुन्छ । शान्ति सुरक्षाको मजबुत व्यवस्थापन गरिएकाले घर बाहिर निष्कनेलाई कडाइका साथ सुरक्षा जाँच गरिने उल्लेख छ ।

प्रकाशित : वैशाख २९, २०७९ १७:३४
पूरा पढ्नुहोस्
प्रतिक्रिया
पठाउनुहोस्
×