गोरखामा करणी आरोपित युवा पक्राउ
गोरखा — १३ वर्षीय बालिकालाई जबरजस्ती करणी गरेको आरोपमा २९ वर्षीय युवा पक्राउ परेका छन् । फागुन १९ गते राति ललाइफकाई करणी गरेको भन्दै पीडितको आमाले दिएको जाहेरीका आधारमा युवकलाई पक्राउ गरिएको जिल्ला प्रहरी कार्यालय गोरखाका प्रहरी निरीक्षक धर्म अधिकारीले बताए ।
प्रहरीका अनुसार पीडित र आरोपित नाताले मामा–भान्जी पर्छन् ।
मंगलबार पक्राउ परेका युवकविरुद्ध बुधबार जबरजस्ती करणी शीर्षकमा जिल्ला अदालतमा मुद्दा दर्ता गरिएको छ । ती युवकमाथि म्याद थप अनुसन्धान भइरहेको प्रहरीले जनाएको छ ।
प्रकाशित : चैत्र २, २०७८ १७:५६