कर्मचारीमा संक्रमणले गैंडाकोट नगरपालिकाको सेवा प्रभावित
पूर्वी नवलपरासी — कर्मचारीमा कोरोना संक्रमण देखिएपछि गैंडाकोट नगरपालिकाको दुई शाखाको काम एक साताका लागि बन्द गरिएको छ ।
स्वास्थ्य शाखा प्रमुख झलक शर्माका अनुसार घरजग्गा नक्सापास, अभिलेख र स्वास्थ्य शाखाका ८ जना कर्मचारीमा संक्रमण पुष्टि भएको छ । घरजग्गाको नक्सापास र अभिलेख शाखाको काम एक साताका लागि बन्द गरिएको बिहीबार नगरपालिकाले सूचनामार्फत जानकारी दिएको हो ।
नगरपालिकामा एक सय ६ कर्मचारी छन् ।
प्रकाशित : माघ ६, २०७८ १६:४६