१५ कर्मचारीमा कोरोना देखिएपछि एक साताका लागि कावासोतीको नापी कार्यालय बन्द- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

१५ कर्मचारीमा कोरोना देखिएपछि एक साताका लागि कावासोतीको नापी कार्यालय बन्द

नारायण शर्मा

पूर्व नवलपरासी — नापी कार्यालय कावासोतीका १५ कर्मचारीमा कोरोना संक्रमण देखिएपछि माघ ७ गतेसम्म कार्यालय बन्द गरिएको छ । अत्यावश्यक सेवाबाहेकका सबै काम शुक्रबारबाट माघ ७ गतेसम्म बन्द रहने कार्यालयका प्रमुख नापी अधिकृत खिमलाल गौतमले बताए । 

अधिकृत गौतमले शुक्रबार सूचना जारी गर्दै अत्यावश्यकबाहेकका सबै सेवा एक सातासम्मका लागि बन्द रहने जानकारी गराएका हुन् ।

१५ जनालाई एकै पटक कोरोना संक्रमण देखिएकाले कार्यालय सञ्चालन हुन नसक्ने जानकारी दिँदै गौतमले संक्रामक रोग नियन्त्रण ऐनअनुसार कार्यालयको नियमित सेवा बन्द गरिएको जानकारी दिए । अदालतको आदेश र अत्यावश्यक अंश मुद्दाबाहेकका सबै सेवा बन्द गरिएको उनले सुनाए ।

कार्यालयका कर्मचारीमा कोरोना संक्रमणसँग मिल्दोजुल्दो लक्षण देखिएपछि जिल्ला अस्पतालमा जचाउँदा जम्मा २७ कर्मचारीमध्ये १५ जनामा कोरोना संक्रमण पुष्टि भएको हो ।

एउटै कार्यालयमा १५ कर्मचारीमा कोरोना देखिएपछि पूर्वी नवलपरासीमा समुदाय स्तरमा कोराना संक्रमण फैलनसक्ने भन्दै प्रमुख जिल्ला अधिकारी सुमन घिमिरेले संक्रमणको चेनब्रेक गर्न सामाजिक दूरी कायम गर्ने, भेला,सभा-सम्मेलन बन्द गर्ने र वडा तहमा कोरोना खोप लैजाने गरी व्यवस्थापन गरिएको जानकारी दिए ।

प्रकाशित : पुस ३०, २०७८ १७:०७
प्रतिक्रिया
पठाउनुहोस्

तीन थान भरुवा बन्दुकसहित एक जना पक्राउ

कान्तिपुर संवाददाता

मोरङ — प्रहरीले लेटाङ नगरपालिका-९ स्थित बसन्त हरियाली सामुदायिक वनबाट तीन थान भरुवा बन्दुकसहित एक जनालाई पक्राउ गरेको छ । शुक्रबार प्रहरीले मिक्लाजुङ गाउँपालिका-५ का ६० वर्षीय इन्द्रबहादुर राईलाई पक्राउ गरेको हो । 

अस्थायी प्रहरी चौकी जाँतेबाट खटिएको प्रहरी टोलीले वनभित्र भरुवा बन्दुक बोकेर हिँडिरहेको अवस्थामा राईलाई पक्राउ गरेको जिल्ला प्रहरी मोरङका सूचना अधिकारी दिपक श्रेष्ठले जानकारी दिए ।

राईको साथबाट लोड भएको तीन थान भरुवा बन्दुक, दुई डब्बा बारुद, १८ थान गोली, ५ पोका छर्रा, खुकुरी र गुलेली बरामद भएको उनले बताए ।

प्रकाशित : पुस ३०, २०७८ १६:५६
पूरा पढ्नुहोस्
प्रतिक्रिया
पठाउनुहोस्
×