एमाले पर्वतको अध्यक्षमा राजु पौडेल- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

एमाले पर्वतको अध्यक्षमा राजु पौडेल

अगन्धर तिवारी

पर्वत — नेकपा एमाले पर्वतको नवौं जिल्ला अधिवेशनबाट राजु पौडेल निर्विरोध रुपमा अध्यक्षमा चयन भएका छन् । उपाध्यक्षमा पदमपाणी शर्मा, सचिवमा गोविन्द पहाडी, उपसचिवमा विमल लामिछाने र शिव पौडेल चयन भएका छन् ।

पौडेल महाशिला गाउँपालिकाका अध्यक्ष पनि हुन् ।

९० सदस्यीय निर्वाचित जिल्ला कार्यसमितिका अन्य सदस्यहरुको समेत टुंगो लागेको एमाले निर्वाचन समितिले जनाएको छ ।

त्यस्तै, हरेक पालिकाका अध्यक्षहरु पदेन सदस्य र १० प्रतिशत मनोनित सदस्यको समेत टुंगो लगाइएको जिल्ला कार्यसमिति सदस्य ठाकुरप्रसाद आचार्यले बताए ।

प्रकाशित : पुस २६, २०७८ १७:५८
प्रतिक्रिया
पठाउनुहोस्

नेप्से सीईओका लागि तीन जना सिफारिस

कान्तिपुर संवाददाता

काठमाडौँ — नेपाल स्टक एक्सचेन्ज (नेप्से)को प्रमुख कार्यकारी अधिकृत (सीईओ)का लागि परेका आवेदनमध्ये दोस्रो चरणमा ३ जना छनोट भएका छन् । पहिलो चरणमा छनोटमा परेका ५ जनामध्येबाट सिफारिस समितिले तीन जनालाई छनोट गरेको हो ।

स्रोतका अनुसार छनोटमा परेका तीन जनामा कृष्णबहादुर कार्की, केशवप्रसाद श्रेष्ठ र रमेशकुमार भन्डारी छन् । उक्त पदका लागि ११ जनाले आवेदन दिएका थिए । तीमध्ये पहिलो चरणमा उल्लेखित ३ जनासहित प्रविन पन्दाक र रमेश घिमिरे छानिएका थिए ।

नेप्सेमा सीईओ नियुक्तिका लागि अर्थ मन्त्रालयका सहसचिव रमेश केसीको संयोजकत्वमा सिफारिस समिति गठन गरिएको छ । समितिमा मन्त्रालयकै सहसचिव रितेश शाक्य र विज्ञ सदस्यमा नेप्सेका पूर्वअध्यक्ष जीवनाथ धिताल छन् । सिफारिस समितिले सोमबार बिहान तीन जनाको नाम अर्थमन्त्री जनार्दन शर्मालाई बुझाएको छ । मन्त्रिपरिषदले सिफारिसमा परेकामध्येबाट एक जनालाई नेप्सेको सीईओ नियुक्त गर्नेछ । श्रीमतीका नाममा सर्वोत्तम सिमेन्टको सेयर खरिद गरेको आरोप लागेपछि नेप्सेका पूर्व सीईओ चन्द्रसिंह साउदले आफ्नो कार्यकाल सकिनुभन्दा एक महिनाअघि राजीनामा दिएका थिए । त्यसपछि खाली पदमा नयाँ नियुक्ति गर्न लागिएको हो ।


प्रकाशित : पुस २६, २०७८ १७:४६
पूरा पढ्नुहोस्
प्रतिक्रिया
पठाउनुहोस्
×