बागलुङमा जीप दुर्घटना हुँदा एकको मृत्यु, ३ जना घाइते
बागलुङ — बागलुङको बिहुँबाट सदरमुकाम आउँदै गरेको जिप पल्टिँदा एक जनाको मृत्यु भएको छ । काठेखोला गाउँपालिका–१ खहरेको सडकछेउमा जिप पल्टिँदा बागलुङ नगरपालिका–६ सिम बस्ने ४५ वर्षीय श्याम शर्माको मृत्यु भएको प्रहरी नायब उपरीक्षक इकवाल हवारीले जानकारी दिए ।
बा १८ च ५६७७ नम्बरको उक्त जिपमा सवार अन्य तीन जना घाइते भएका छन् ।
घटनाको जानकारी भएपछि जिल्ला प्रहरीको टोली घटनास्थलमा उद्धारका लागि पठाइएको छ । घाइतेलाई धौलागिरी अस्पतालमा उपचारका लागि ल्याउन स्थानीय र प्रहरीले तयारी गरेको छ । घाइतेको अवस्था भने सामान्य रहेको उनले जानकारी दिए ।
प्रतिक्रिया