सभापतिमा संस्थापन, सदस्य र प्रतिनिधिमा पौडेल पक्ष हावी- गण्डकी - कान्तिपुर समाचार
कान्तिपुर वेबसाईट
AdvertisementAdvertisement
लमजुङ कांग्रेस निर्वाचन

सभापतिमा संस्थापन, सदस्य र प्रतिनिधिमा पौडेल पक्ष हावी

आश गुरुङ

लमजुङ — नेपाली कांग्रेस लमजुङको सभापतिमा टकराज गुरुङ विजयी भएका छन् । उनले गमप्रसाद गुरुङलाई हराउँदै विजय हात पारेका हुन् । गमप्रसादले पराजित व्यहोरे पनि कार्य समिति र महाधिवेशन प्रतिनिधिमा भने उनी पक्ष हावी छ ।


बुधबार सकिएको मतगणना अनुसार पार्टी सभापतिमा निर्वाचित टकराजको पक्षमा उनीसहित ४ पदाधिकारी र १ जनामात्रै सदस्य निर्वाचित भएका छन् । गमप्रसादको टीमबाट ३ जना पदाधिकारी र १९ जना सदस्य निर्वाचित भएका छन् । कार्य समितिका १३ जना सदस्य सर्वसम्मत भइसकेका थिए । यसमा दुवैपक्षका बराबरीजस्तै छ ।

टकराज संस्थापन अर्थात पार्टी सभापति शेरबहादुर देउवा पक्ष मानिन्छ । गमप्रसाद वरिष्ठ नेता रामचन्द्र पौडेल पक्षधर मानिन्छ । चुनावमा देउवा पक्षका टकराज र पौडेल पक्षका गमप्रसाद प्यानलसहित चुनावी मैदानमा उत्रिएका थिए । तेस्रो धार मानिएको कोराइला परिवार समर्थक शंकरकान्त जोशी–बृषराज गुरुङपक्ष टकराजको पक्षमा लागेपनि नयाा समीकरणबाट उम्मेदवार बनाइएकामध्ये सदस्यमा १ जनाले मात्रै जित हासिल गरेका छन् ।

उपसभापतिमा गमप्रसाद पक्षका आनन्द घिमिरे र टकराज पक्षका श्रीकान्त घिमिरे निर्वाचित भएका छन् । सचिवमा टकराज पक्षका कृष्णबहादुर अधिकारी र गमप्रसाद पक्षधर विमल श्रेष्ठ निर्वाचित भएका छन् । सहसचिवमा गमप्रसाद पक्षधर नरबहादुर गुरुङ र टकराज प्यानलका विश्व पौडेल निर्वाचित भएका छन् ।

गमप्रसाद प्यानलबाट बेंसीसहर नगरपालिका महिला सदस्यमा सरस्वती धिताल, खुला सदस्यमा किशोरकुमार बस्नेत र राजेश थापा विजयी भएका छन् । सुन्दरबजार नगरपालिका खुला सदस्यमा केशवराज गौली र विश्वनाथ अधिकारी, मध्यनेपाल नगरपालिकाबाट गगन घिमिरे र चन्द्रमणि पौडेल, राइनास नगरपालिका महिला सदस्यमा नरमाया देवकोटा, राइनास नगरपालिका खुला सदस्यमा रामचन्द्र अधिकारी र दूधपोखरी गाउँपालिका खुला सदस्यमा कमलप्रसाद धिताल विजयी भएका छन् ।

गमप्रसादकै टीमबाट खसआर्य खुला सदस्यमा कमलबहादुर अधिकारी र तिलकबहादुर थापा, आदिवासी जनजाति खुला सदस्यमा जैमान गुरुङ, धर्मजंग घले, भरतराज घले र राजकुमार गुरुङ, दलित महिला सदस्यमा लक्ष्मी परियार, दलित खुला सदस्यमा गोपाल परियार र अल्पसंख्यक वा अपांगता सदस्यमा जाकिर हुसेन मिया निर्वाचित भएका छन् । टकराजको टीमबाट एकजनामात्रै राइनास नगरपालिका खुला सदस्यमा कृष्णबहादुर थापामात्रै निर्वाचित भएका छन् ।

सभापतिमा भने पौडेलपक्षका गमप्रसाद गुरुङलाई १ सय ३२ मतले हराउादा टकराज ४ वर्षका लागि कांग्रेस लमजुङको सभापति बनेका छन् । टकराजले ७ सय १७ मत ल्याएका थिए । गमप्रसादले ५ सय ८५ मत पाएका छन् ।

महाधिवेशन प्रतिनिधिमा संस्थापनपक्ष टकराजको प्यालनका १० जना निर्वाचित भएका छन् । पौडेल पक्षधर गमप्रसाद प्यानलका १७ जना निर्वाचित भएका छन् । महाधिवेशन प्रतिनिधि खुलामा टकराज प्यानलबाट कृष्णप्रसाद कोइराला, तुलसीनारायण श्रेष्ठ र जीवनकुमार श्रेष्ठ निर्वाचित भएका छन् । टकराजको टीमबाट निर्वाचित बृषराज गुरुङ भने संस्थापन पक्षधर नभएको कांग्रेस स्रोतले बताएको छ । निर्वाचनमा कोइराला परिवारसंग नजिक मानिने शंकरकान्त जोशी–बृषराजको टीमले टकराजको टीमलाई सघाएको थियो ।

पौडेल पक्षधर गमप्रसादको टीमबाट चन्द्रबहादुर कुावर, डिकेन्द्रराज काडेल, भेषबहादुर पौडेल, रमेशकुमार पाण्डे, रामबहादुर गुरुङ र हरिप्रसाद बराल महाधिवेशन प्रतिनिधिमा निर्वाचित भएका छन् । निर्वाचनमा पूर्व सहायक मन्त्री रामचन्द्र अधिकारी, डा. लक्ष्मीकान्त पौडेलदेखि पूर्व क्षेत्रीय सभापति विष्णुप्रसाद धिताल, आवासीय विद्यालय संचालक बाबुराम पौडेल, पूर्व सभापति शंकरकान्त जोशी, शिक्षक संघका अध्यक्ष शिवराज अधिकारीलगायत पराजित भएका छन् ।

गमप्रसादको टीमबाट महिलामा छुपीमाया गुरुङ र विष्णुमाया धिताल निर्वाचित भएका छन् । टकराजको टीमबाट अस्मिता गुरुङ र धनकुमारी गुरुङ विजयी भएका छन् । खसआर्य महिलामा गमप्रसादको टीमका उम्मेदवार ज्ञानु शाह निर्वाचित भएका छन् । खसआर्य खुलामा गमप्रसाद प्यानलका गोविन्द्रपसाद धिताल र टकराज प्यानलका तीर्थबहादुर थापा निर्वाचित भएका छन् । आदिवासी जनजाति महिलामा गमप्रसाद टीमबाट राधादेवी श्रेष्ठ र टकराज टीम्बाट सुकमाया गुरुङ निर्वार्चित भएका छन् ।

आदिवासी जनजाति खुलामा गमप्रसाद प्यानलका गर्जबहादुर गुरुङ, राजु गुरुङ र ललितकुमार गुरुङ निर्वाचित भएका छन् । जिल्लामा गमप्रसाद प्यानलबाट उम्मेदवार बने पनि गर्जबहादुर शेराबहादुर देउवा पक्ष मानिन्छ । दलित महिलामा गमप्रसाद प्यानलबाट टीकाकुमारी बस्याल निर्वाचित भएका छन् । गमप्रसाद प्यानलबाटै दलित खुलामा दीपकबहादुर विश्वकर्मा र नुरमोहमद मिया साथै टकराज गुरुङ प्यानलबाट अपांगता सदस्यमा दीपेन्द्र गुरुङ निर्वाचित भएका छन् ।

पुनः मतगणना माग

नेपाली कांग्रेसको निर्वाचनमा महाधिवेशन प्रतिनिधि खुलामा पराजित घोषणा भएका कांग्रेस पूर्व सभापति शंकरकान्त जोशीले पुनः मतगणना माग गरेका छन् ।

मनगणनामा धाँदली भएको भन्दै उनले बुधबार नै निर्वाचन अधिकृतसमक्ष पुनः मन गणनाको लागि निवेदन दिएका हुन् । निर्वाचनमा ५ सय ४८ मत ल्याएका उनले अधिवेशनको क्रममा भएको मतगणनामा धाादली भएको भन्दै पुनः मतगणनाको माग गरेको बताए ।

कांग्रेस निर्वाचन अधिकृत थानेश्वर दवाडीले उम्मेदवार शंकरकान्त जोशीबाट पुनः मतगणनाको लागि निवेदन आएको तर पुनः मतगणना नगर्ने निर्णय भएको बताए । जिल्लामा पुनः मतगणना नगर्ने निर्णय गरेपछि उनले निर्वाचनको केन्द्रीय कार्यालयमा पुनः मतगणनाको माग गरेका छन् । उनले बिहीबार एक सार्वजनिक वक्तव्य निकाल्दै आफूले जितिसकेको चुनाव जानाजान गणक कर्मचारीले अरुको धेरै मत देखाइदिएको आरोप लगाएका छन् ।

कांग्रेस निर्वाचनमा लमजुङमा कूल १ हजार ३ सय ७४ प्रतिनिधि मतदाता रहेकोमा १ हजार ३ सय ३९ मत खसेको थियो । यसमा १ हजार ३ सय २ मत सदर भएको छ । ३७ मत बदर भएको निर्वाचन अधिकृत दवाडीले बताए ।

प्रकाशित : मंसिर ९, २०७८ १७:४१
प्रतिक्रिया
पठाउनुहोस्

किसान अन्य खेतीमा लागेपछि चिनी उद्योगले पाएनन् उखु

समयमै भुक्तानी नपाउने समस्याले किसान वैकल्पिक खेतीतर्फ आकर्षित हुँदा उखु उत्पादन घट्दो
नवीन पौडेल

पश्चिम नवलपरासी — पश्चिम नवलपरासीमा सञ्चालित चिनी उद्योगलाई उखु अभाव हुन थालेको छ । समयमा भुक्तानी नपाउने समस्यापछि किसान वैकल्पिक खेतीतर्फ आकर्षित भएपछि उद्योगलाई उखु अभाव हुन थालेको हो ।

जिल्लामा रहेका इन्दिरा, वाग्मती र लुम्बिनी चिनी उद्योगमध्ये लुम्बिनी दुई वर्षदेखि बन्द छ । उखु अभावकै कारण बाँकी दुई उद्योगले पनि क्षमताअनुसार क्रसिङ गर्न सकेका छैनन् ।

वैकल्पिक खेतीका अलवा स्थानीयले भेली उद्योगमा समेत उखु प्रयोग गर्न थालेकाले पनि चिनी उद्योगलाई अभाव हुन थालेको हो । ‘चिनीभन्दा भेली उद्योगलाई बेच्दा केही रकम कम भए पनि उधारो खेप्नुपर्दैन,’ प्रतापपुरका रोहित गुप्ताले भने, ‘चिनी उद्योगले तत्काल रकम दिन्नन्, मूल्य पनि बढाउँदैनन् । अनि हामीले किन उखु दिने ?’

चिनी उद्योगहरूलाई जिल्लामा अहिले ४० लाख क्विन्टल उखु आवश्यक छ । तर मुस्किलले १० लाख क्विन्टल मात्र उत्पादन भइरहेको छ । जसका कारण चिनीको उत्पादन घट्ने र सञ्चालनमा रहेका उद्योगसमेत संकटमा पर्ने सम्भावना छ । उखु उत्पादन घट्दै गएपछि जिल्लाको वाग्मती चिनी उद्योगले किसानलाई उन्नत जातको बीउ र प्राविधिक सहयोग नि:शुल्क रूपमा उपलब्ध गराउने घोषणा गरेको छ ।

किटनाशक औषधि र खेत जोत्नका लागि कृषि सामग्रीसमेत उपलब्ध गराइने उद्योगको उखु विभाग शाखा प्रमुख होमकान्त लम्सालले बताए । ‘उखुको उत्पादन बर्सेनि घट्दो छ । त्यसैले किसानलाई थोरै क्षेत्रमा धेरै उत्पादन हुने उन्नत जातको बीउ र अन्य प्राविधिक सहयोग गर्ने योजना ल्याएका छौं,’ उनले भने, ‘उत्पादन नबढाउने हो भने जिल्लाका चिनी उद्योग नै संकटमा पर्ने निश्चित छ । त्यसैले यसतर्फ ध्यान दिन आवश्यक छ ।’

सामान्य किसानले लगाउने परम्परागत उखुको बीउबाट प्रतिकठ्ठा १५ देखि २० क्विन्टल उत्पादन हुने गर्छ । तर उन्नत जातको कोजा–८५ बीउबाट त्यति नै जग्गामा ४५ देखि ५० क्विन्टल उखु उत्पादन हुने उखु उत्पादक किसान समिति नवलपरासीका अध्यक्ष उमेश यादवले बताए । ‘उद्योगको लापरबाही र हेपाहा प्रवृत्तिले बाध्य भएर उखु खेतीबाट किसान विस्थापित हुँदा अहिलेको अवस्था आएको हो,’ उनले भने, ‘अब उद्योगलाई उखु अभाव हुन थालेपछि उद्योग आफैंले उन्नत जातको बीउ लगाउन प्रोत्साहन गर्न खोजेका छन् । यसले किसान र उद्योग दुवै पक्षलाई फाइदा पुग्छ ।’

जिल्लाका उखु किसानले अझै ५ वर्षअघिको बक्यौता रकम पाउन बाँकी छ । इन्दिरा सुगर मिलबाट मात्रै १ करोड २५ लाख रुपैयाँ पाउन बाँकी रहेको समितिको भनाइ छ । उधारोमा उखु बिक्री गर्नुपर्ने समस्या बढेपछि किसानहरू अहिले केरा खेती र अन्य उत्पादनतर्फ आकर्षित भएका छन् । जसको कारण उखुको उत्पादन घट्दो छ ।


प्रकाशित : मंसिर ९, २०७८ १७:३९
पूरा पढ्नुहोस्
प्रतिक्रिया
पठाउनुहोस्
×