लमजुङमा भूकम्पको धक्का
लमजुङ — सोमबार राति ८ बजेर ३० मिनेटको समयमा लमजुङलाई केन्द्र बनाएर ४ दशमलव १ रेक्टर स्केलको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।
केन्द्रका अनुसार मर्स्याङदी गाउँपालिका ३ खुदीबजार केन्द्रविन्दु बनाएर भूकम्प गएको हो । उक्त भूकम्प २०७२ वैशाख १२ गतेकै परकम्प रहेको केन्द्रले जनाएको छ ।
भूकम्प जिल्लाका अधिकांश स्थानमा महशुस भएको थियो । भूकम्प धक्का आउँदा नागरिक त्रसित भएर बाहिर निस्किएका थिए । २०७२ को परकम्प पटकपटक आइरहँदा नागरिक त्रसित भएका छन् ।
प्रकाशित : कार्तिक ८, २०७८ २१:३४