लागूऔषध मुद्दाका फरार प्रतिवादी एमालेको वडा सदस्य निर्वाचित

रुपा-५ का एमाले सचिव राजन खनालले पंगेनी सदस्य निर्वाचित भएको बताए ।

उनलाई लागूऔषध मुद्दामा जिल्ला अदालत तनहुँले ६ महिना कारागार सजाय तोकेको थियो । प्रहरीले २०७७ असार १६ गते उनलाई तनहुँको आँबुखैरेनी गाउँपालिका–४ पुलजीपबाट तीन जनासहित पक्राउ गरेको थियो ।

मुग्लिनबाट आँबुखैरेनीतर्फ आउँदै गरेको ग १५ प ६६४० नम्बरको मोटरसाइकल जाँच गर्ने क्रममा पंगेनी र उनका साथीलाई खानतलासी गर्दा प्रहरीले दुई किलो तीनसय ग्राम अवैध गाँजा बरामद गरेको थियो । उनी ११ दिन हिरासत बसेर तारेखमा छुटेका थिए । पछि तनहुँ अदालतले लागू औषध मुद्दामा दोषी ठहर गर्दै ६ महिनाको सजाय तोकेको थियो ।

जेल सजाय भुक्तान नगरी उनी फरार थिए । फरार रहेकै अवस्थामा उनले भदौ १६ मा उच्च अदालत पोखरामा पुनरावेदन गरेका थिए । उक्त मुद्दामा सोमबार पहिलो पेसी छ ।