पूर्वीनवलपरासीमा छुट्टाछुट्टै घटनामा ३ को मृत्यु
पोखरा — पूर्वीनवलपरासीमा छुट्टाछुट्टै घटनामा तीन जनाको ज्यान गएको छ । गण्डकी प्रदेश प्रहरी कार्यालयका अनुसार पाल्पाको माथागढी गाउँपालिका–७ बाट बुधबार घर फर्कने क्रममा पूर्वी नवलपरासीको विनयी त्रिवेणी–५ लालेपुच्छरका ५० वर्षीय रुकबहादुर चौहान र उनकी श्रीमती ४५ वर्षीया डकुमायाको शव भेटिएको हो ।
दुवैजना विनयी खोला तर्ने क्रममा बगाएर बुधबार नै बेपत्ता भएका थिए । दुवैजनाको शव बिहीबार बिहान साढे ११ बजे कुसुन्डे र लालेघाटस्थित बिनयी खोलाको बीच भागमा ढुंगामा अड्केको अवस्थामा फेला कार्यालयका डिएसपी श्रवणकुमार बिकले बताए ।
यसैगरी बुटवल उपमहानगरपालिका–१३ बेलबासका ७८ वर्षका मोहनलाल गैरे नारायणी नदीमा स्नान गर्ने क्रममा चिप्लिएर बेपत्ता भएकोमा बिहीबारै उनको शव भेटिएको छ । उनी कावासोती नगरपालिका–१३ पिठौलीमा स्नान गर्ने क्रममा चिप्लिएका थिए ।
प्रकाशित : कार्तिक ४, २०७८ १७:४०