कावासोतीले कोरोनाबाट मृत्यु भएका व्यक्तिका परिवारलाई ५० हजार रुपैयाँ दिने- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

कावासोतीले कोरोनाबाट मृत्यु भएका व्यक्तिका परिवारलाई ५० हजार रुपैयाँ दिने

नारायण शर्मा

नवलपरासी पूर्व — कावासोती नगरपालिकाले कोरोना संक्रमणका कारण ज्यान गुमाएका परिवारलाई ५० हजार रुपैयाँ दिने भएको छ । 

कावासोती नगरपालिकाका उपमेयर प्रेमशंकर मर्दनियाले नगरपालिकाभित्र कोराना संक्रमणले ज्यान गुमाएका व्यक्तिका परिवारलाई सहयोगस्वरूप प्रतिपरिवार ५० हजार रुपैयाँ दिने निर्णय भएको जानकारी दिए । यो रकम दसैंअगाडि नै वितरण गरिने पनि उनले बताए ।

कावासोती नगरपालिकाभित्र गत १९ महिनाको अवधिमा ५५ जनाको कोरोना संक्रमणबाट ज्यान गएको छ ।

प्रकाशित : आश्विन १९, २०७८ ०८:५०
प्रतिक्रिया
पठाउनुहोस्

प्रधानन्यायाधीशलाई मन्त्रीको कोटा दिने हल्ला निराधार  : नेकपा (एस)

नारायण शर्मा

नवलपुर — नेकपा एकीकृत समाजवादी पार्टीका उपाध्यक्ष केशवलाल श्रेष्ठले प्रधानन्यायाधीशलाई मन्त्रीको कोटा दिने भन्ने समाचार निराधार रहेको बताएका छन् । 

‘५ दलीय गठबन्धनमा आजसम्म त्यस्तो विषयले प्रवेश पनि पाएको छैन । त्यो कसले मिडियाबाजी गर्‍यो उसैलाई थाहा होला । संविधानमा व्यवस्था भएको बाहेक कसैलाई मन्त्री दिने भन्ने नै हँुदैन,’ उनले भने । यस्तो विषय ५ दलीय गठबन्धनलाई जानकारी समेत नरहेको उनको दाबी थियो ।

कावासोतीमा सोमबार नेकपा (एस)को पार्टी कार्यालय भवन उद्घाटनका लागि आएका उपाध्यक्ष श्रेष्ठले केही संवैधानिक निर्णयहरु परिपक्व हुन समय लागेकाले मन्त्रिपरिषद् विस्तारमा ढिलाइ भएको बताए ।

‘मन्त्रिमण्डल गठनमा केही ढिलाइ भएको ५ दलीय सहमतिमै हो,’ उनले भने ।दल विभाजनसम्बन्धी अध्यादेशका कारण केही ढिलाइ भएको र अब तीन दिनभित्र मन्त्रिमण्डलले पूर्णता पाउने दाबी गरे । ओलीको अहंकार र आफै ‘राज्य हूँ’ भन्ने गलत चिन्तनको सर्मथन गर्न नसेका कारण अध्यादेशबाट नेकपा (एस) जन्मिएको उनको भनाइ थियो ।

सम्बन्धित समाचार

सर्वोच्च बारका पदाधिकारीसँग प्रधानन्यायाधीशले भने- 'मैले मन्त्रीमा भाग मागेँ भन्ने समाचार झूटो हो'

गठबन्धनमा प्रधानन्यायाधीश पनि ?

प्रकाशित : आश्विन १८, २०७८ १४:०६
पूरा पढ्नुहोस्
प्रतिक्रिया
पठाउनुहोस्
×