कांग्रेस अधिवेशन : पोखरामा पौडेल समूहका विजुक्छे निर्वाचित
काठमाडौँ — कांग्रेसको पोखरा महानगरपालिका सभापतिमा सुरेन्द्रमान बिजुक्छे निर्वाचित भएका छन् । उनले ४१४ मतसहित पाँच प्रतिस्पर्धीलाई पराजित गर्दै सभापति बनेका हुन् । उनका निकटतम प्रतिद्वन्द्वी गंगाधर पराजुलीले ३४६ मत प्राप्त गरे ।
त्यस्तै, रामराज लामिछानेले २०९, मोहनप्रसाद बास्तोलाले १२७, मिलनप्रसाद तिवारीले १५३ र ज्योति हमालले ११ मत पाइन् । सभापतिमा विजयी बिजुक्छे वरिष्ठ नेता रामचन्द्र पौडेल समूहका हुन् ।
यस्तै, महानगर उपसभापतिमा प्रयागराज भण्डारी र भवसागर बराल विजयी भएका छन् । सचिवमा टुवराज बाँस्तोला र गणेशबहादुर थापाले जितेका छन् । महानगरमा क्षेत्रीय प्रतिनिधि र वडाध्यक्षसमेत गरी एक हजार ३७० मतदाता थिए ।
प्रकाशित : आश्विन १०, २०७८ ११:३९प्रतिक्रिया