तनहुँमा पीसीआर प्रयोगशाला सञ्चालन

पीसीआर रिपोर्ट आउन लामो समय लाग्ने भएपछि जिल्लामै प्रयोगशाला निर्माण गर्नका लागि नगरपालिकाले अग्रसर लिएको नगरप्रमुख बैकुण्ठ न्यौपानेले बताए । ‘कोरोनासँग मिल्दाजुल्दा लक्षण देखिएकाको स्वाब संकल गरी परीक्षणका लागि पठाएको लामो समयसम्म पनि रिपोर्ट नआउँदा उनीहरुलाई उपचारको दायरामा ल्याउन गाह्रो भयो, ’ उनले भने, ‘अब रिपोर्ट पनि समयमै आउँछ र पोजेटिभ देखिए समयमै उपचारको दायरामा पनि ल्याउन सहज हुन्छ ।’

संघीय सरकार, प्रदेश सरकार, विभिन्न संघसंस्थाको सहयोगमा प्रयोगशाला निर्माण गरिएको हो । प्रयोगशाला निर्माण गर्न एक करोड ७ लाख ७६ हजार र सञ्चालनका लागि एक करोड ३२ लाख १५ हजार २६८ रुपैयाँ खर्च भएको छ । प्रयोगशालामा २ जना बीएमएलटी र ३ जना सीएमएलटीका स्वास्थ्यकर्मी नियुक्त गरिएको नगरपालिकाका स्वास्थ्य शाखा प्रमुख प्रमोद सोतीले बताए ।

उनका अनुसार एक पटकमा ९६ वटा नमुना परीक्षण गर्न सकिने मेसिन प्रयोग गरिएको छ ।