युनाइटेड मोदीको उत्पादन ठप्प- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

युनाइटेड मोदीको उत्पादन ठप्प

अगन्धर तिवारी

पर्वत — भदौ १७ मा आएको बाढीले क्षतविक्षत बनाएको १० मेगावाट क्षमताको युनाइटेड मोदी आयोजना सुचारु हुन सकेको छैन । बाढीले नहर, बाँधस्थल, सेयर वाल, स्ल्याबलगायतका संरचना भत्किएका कारण अझै आयोजना सञ्चालनमा आउन सकेको छैन ।

पर्वतको मोदीखोला–१ जलविद्युत् आयोजनाको विद्युत् गृहदेखि मोदी सबस्टेसन जोड्ने १३२ केभी क्षमताको प्रसारण लाइनको चार नम्बर टावर पहिरोले ढालेको हो । टावर ढलेसँगै मोदी–१ विद्युत् गृहमा पठाउने पानीको नहरको ५ सय मिटर भागमा लेदोसहितको माटो थुप्रिएको छ । उक्त आयोजनाको बाँधमा क्षति पुगेको छ ।

भीषण वर्षासँगैको बाढीले कुश्मा–८ चुवा र आसपासमा पहिरोले ठूलो क्षति बनाएको थियो । आयोजनाको मुख्य नहरको करिब एक किमि क्षेत्र क्षतविक्षत बनाएको छ । त्यसबाहेक युनाइटेड मोदी आयोजनाले नै निर्माण गरेको विद्युत् प्रसारण टावरसमेत पहिरोले ढालेको छ ।

ढालेको टावर निर्माणमा मात्रै करिब डेढ करोड रुपैयाँ खर्च लाग्ने आयोजना कार्यालयले जनाएको छ । आयोजनाको विद्युत् उत्पादन रोकिँदा दैनिक १० देखि ११ लाख रुपैयाँको नोक्सान भइरहेको युनाइटेड मोदी हाइड्रोपावर कम्पनीका सञ्चालक उपेन्द्र गौतमले बताए ।

‘हाम्रो नोक्सान मात्रै ५ करोड रुपैयाँ भएको छ,’ उनले भने, ‘अहिलेसम्म निर्माणकै चरणमा छौं । अझै केही समय लाग्छ ।’ आयोजनाको संरचना र हालसम्म उत्पादन हुने विद्युत्को नोक्सान मात्रै करिब सात करोड रुपैयाँ भइसकेको उनले बताए ।

सोही दिनको पहिरोले युनाइटेड मोदी कम्पनीले नै निर्माण गरेको प्रसारण लाइनको टावर ढाल्दा करिब २ साता धौलागिरिको विद्युत् प्रसारण रोकिएको थियो । टावर पुरानै अवस्थामा पुनर्निर्माण गर्न अझै केही महिना लाग्ने कम्पनीले जनाएको छ । टावर निर्माणमा ढिलाइ हुने भएपछि विद्युत् प्राधिकरणले प्रसारण लाइनको अस्थायी व्यवस्था गरेर म्याग्दी र मुस्ताङमा उत्पादित विद्युत् प्रसारण लाइनमा पठाएको छ ।

‘अहिलेका लागि अस्थायी टावर बनाएर म्याग्दी र मुस्ताङको उत्पादन नेसनल ग्रिडमा पठाइएको छ,’ खुर्कोट–दाना प्रसारण लाइन (कालीगण्डकी प्रसारण करिडोर) आयोजनाका प्रमुख चन्दनकुमार घोषले भने, ‘मोदीको टावर बनेपछि सोही टावरमा जोडिन्छ ।’ सोही टावर हुँदै १० मेगावाटको मोदी–१ सहित म्याग्दीको अन्नपूर्ण–४ नारच्याङस्थित ४२ मेगावाटको मिरिस्तीखोला, ५ मेगावाटको घलेम्दीखोला र मुस्ताङको थासाङ–१ टुकुचेको १३.६ मेगावाटको थापाखोला जलविद्युत् आयोजनाको उत्पादन प्रसारण भइरहेको थियो । युनाइटेड मोदीको मोदी–१ बाहेक म्याग्दी र मुस्ताङको विद्युत् भने भदौ ३१ देखि राष्ट्रिय प्रसारण लाइनमा जोडिइसकेका छन् ।

युनाइटेड मोदीकै मोदी–१ आयोजनाको विद्युत् मोदी ग्रिड हुँदै राष्ट्रिय प्रसारणमा पठाउन दशकअघि निर्माण गरिएको ४ नम्बर टावर ढलेको हो । गत माघमा सम्पन्न भएको खुर्कोट–दाना प्रसारण लाइन सम्पन्न भएपछि मुस्ताङ र म्याग्दीमा उत्पादित विद्युत् पनि यही बाटो हुँदै राष्ट्रिय प्रसारण लाइनमा जोडिएको थियो । दोबिल्ला फाँटको टावर चुवाको भीरबाट खसेको पहिरोले ढालेर मोदी किनारमा पुर्‍याएको छ ।

प्रकाशित : आश्विन ७, २०७८ ०८:५८
प्रतिक्रिया
पठाउनुहोस्

‘ए’ डिभिजन राष्ट्रिय फुटसल लिग : राइजिङ शीर्षमा, शंखमूलको जित

लगातार तेस्रो हार बेहोरेपछि झरनाका प्रशिक्षक निर्मल थापा टिमको प्रदर्शनबाट सन्तुष्ट छैनन् 
कुशल तिमल्सिना, दीपक परियार

पोखरा — धरानको राइजिङ युथ क्लबले ‘ए’ डिभिजन राष्ट्रिय फुटसल लिगमा आफ्नो जितयात्रा तेस्रो खेलसम्म कायम राखेको छ । बुधबार राइजिङले झरना स्पोर्टस रूपन्देहीलाई ५–३ गोलले हरायो । प्रभातफेरीलाई ७–४ ले हराएर शंखमूलले पहिलो जित दर्ता गरेको छ । 

पोखरा रंगशालास्थित कभर्डहलमा झरनालाई हराउन राइजिङले धेरै संघर्ष गर्नुपरेन । यसअघि दुवै खेलमा जितेर उत्साही राइजिङको सन्तुलित खेलले सबै मोहित भएका छन् । जित पाएर पनि राइजिङका प्रशिक्षक युवेन्द्र गुरुङ चिन्तित देखिए । त्यसको कारण हो, खेलाडीको चोट । दुई खेलमा कोही खेलाडीलाई चोट थिएन । तेस्रो खेलमा गोलरक्षक तथा कप्तान सचिन श्रेष्ठलाई घुँडामा चोट लाग्यो । उनको चोटको स्थितिबारे परीक्षणको थप रिपोर्ट आएपछि थाहा लाग्नेछ ।

‘सचिन मेरो टिमको नेता थियो । उसले नै फिल्डभित्र सबैलाई नियन्त्रण र परिचालन गर्थ्यो । अब ऊ नै नहुँदा बाँकी खेलमा हामीलाई धेरै गाह्रो पर्नेछ,’ प्रशिक्षक गुरुङले भने, ‘उसले खेल्न नसकेपछि हामीलाई दबाब सुरु भइसकेको थियो । खेलमा जित निस्किए पनि बाँकी खेल धेरै नै कठिन हुनेछन् ।’

उनले म्याटको अनुभव नहुनाले खेलाडीहरू चोटग्रस्त भएको सुनाए । तेस्रो चरणका खेलमा चोटग्रस्त हुने खेलाडी राइजिङका मात्र छैनन् । मंगलबारमात्र लुम्बिनी फुटसलका कप्तान अञ्जन थापालाई गोलीगाँठामा चोट लागेको थियो । प्रायः सबै क्लबले म्याटमा बानी नभएकै कारण चोटको सिकार हुनुपरेको गुनासो गरिरहेका छन् ।

‘लगातारको जितले टिममा सकारात्मक उर्जा सञ्चार भएको छ । तर मुख्य खेलाडीलाई चोट लागेपछि सबै निरास छन् । यो फिल्डमा खेल्न गाह्रो त छँदै छ । चोटको सम्भावना पनि ज्यादा हुँदोरहेछ । खेलाडीहरू आफैं संयमित हुनुपर्छ,’ गुरुङले कान्तिपुरसँग भने ।

लगातार तेस्रो हार बेहोरेपछि झरनाका प्रशिक्षक निर्मल थापा टिमको प्रदर्शनबाट सन्तुष्ट छैनन् । उनले आफ्ना खेलाडीले फुटसलको पोजिसन बुझ्न नसकेको बताए । ‘हाम्रो खेल कमजोर थियो । गोलरक्षकले राम्रो प्रदर्शन गर्न सकेनन्,’ उनले थपे, ‘हाम्रा खेलाडी फुटबलबाट आएकाले त्यही शैलीमा खेल्दा गाह्रो भएको हो । खेलाडीहरूले अझैसम्म पनि फुटसलको पोजिसन बुझिरहेका छैनन् ।’

राइजिङका मिलन राईले दुई गोल गरे । मिलन लिम्बु, रेवस मास्के र बिकु तामाङले १–१ गोल गरे । झरनाका कप्तान ओमप्रकाश थापा, मोहनबहादुर थापामगर र विवेक थापाले १–१ गोल गरेका थिए । सुरुका दुई खेल बराबरी खेलेर निकै दबाबमा देखिएको उपाधि दाबेदार शंखमूल फुटसलले पहिलो जित निकाल्दा खेलाडी र प्रशिक्षक दुवै दबाबमुक्त हुने अवसर बन्यो । प्रशिक्षक प्रकाश परियारको भनाइअनुसार आफूहरू सधैं दबाबमा रहिरहने छ । किनभने नामअनुसार आफ्नो टिमले प्रदर्शन गर्न सकिरहेको छैन ।


पहिलो जित पाएपछि शंखमूल फुटसलका खेलाडी (तल) । तस्बिर : केशव थापा/कान्तिपुर

‘शंखमूललाई उपाधि दाबेदार भनिएको छ तर त्यसअनुसार प्रदर्शन गर्न सकिराखेका छैनौं,’ राष्ट्रिय फुटसलको दुई संस्करण च्याम्पियन शंखमूल टोलीका प्रशिक्षक परियारले भने, ‘यहाँ धेरै नियम र यो परिस्थितिले हामीलाई धेरै कुरामा बाँधेको छ । कार्डका कुरा, आराम नपाएका कुरा, नयाँ फिल्ड, नयाँ रेफ्री, सबै कुराहरूले हामी

आफ्नो वास्तविक लयमा आउन सकेका छैनौं । बाँकी खेलमा पनि म केही भन्न सक्दिनँ । हामीले धेरै ठूलो कुरा गरेर हुँदैन, वास्तविकता र अपेक्षामा धेरै अन्तर छ ।’ उनले लगातार खेलबाट आरामको समय नपुगेका कारण सन्तुलित प्लेइङ सेट निर्माणमा कठिनाइ भइरहेको बताए । ‘हाम्रा आज निकै नै दबाबपूर्ण खेल थियो । लगातार बराबरी भइरहेको थियो र जित निकाल्नु टिमको सन्तुलनलाई अत्यावश्यक भइसकेको थियो,’ उनले कान्तिपुरसँग भने, ‘लगातार खेल खेलिरहँदा ‘रिकभरी टाइम’ पुगेको छैन । खेलाडीले कार्ड पाइरहेका छन् । त्यसैले रणनीतिक रूपमा प्लेइङ सेट तयार गर्न कठिन भइरहेको छ । चोटको समस्या धेरै नै छ ।’

प्रभातफेरीका प्रशिक्षक सरोज थापाले भने रेफ्रीको निर्णयप्रति प्रश्न उठाए । यो प्रतियोगितामा रेफ्रीको निर्णयप्रति असन्तुष्टि जनाउने उनी एक्ला प्रशिक्षक भने होइनन् । प्रतिस्पर्धात्मक बराबरीको अवस्थामा रेफ्रीले गलत निर्णय दिँदा खेलको नतिजामा असर परेको उनको गुनासो छ ।

‘यो खेलमा भाग्य पनि हाम्रो पक्षमा रहेन । रेफ्रीले सही निर्णय दिएनन् । खेलाडीले शतप्रतिशत प्रदर्शन गरेका थिए । रेफ्रीले आउट र कर्नरमा धेरै खराब निर्णय दिइरहेका छन् । हामी उनीहरूविरुद्ध उजुरी पनि गर्दैछौं,’ उनले थपे, ‘हामी हरेक खेलमा जित्ने प्रयास गर्नेछौं । हामीलाई अझै विश्वास छ कि रेलिगेसनबाट जोगिन्छौं ।’

शंखमूलको जितमा जेनिश प्रजापतीले ह्याट्रिक पूरा गरे । मणि लामाले २ गोल गर्दा सुशान श्रेष्ठ र कप्तानसमेत रहेका गोलरक्षक अनिश श्रेष्ठले समेत गोल गरे । खेलको १६ औं मिनेटमा आफ्नो पोस्टबाट अनिशले क्लियर गरेको बल सोझै प्रभातफेरीको पोस्टभित्र छिर्दा गोलरक्षक आशिष दंगालले मेसो पाएनन् ।

प्रकाशित : आश्विन ७, २०७८ ०८:३५
पूरा पढ्नुहोस्
प्रतिक्रिया
पठाउनुहोस्
×