बागलुङमा चट्याङ लागेर एकको मृत्यु, ३ घाइते

सोमबार बेलुकी चट्याङ लाग्दा ६० वर्षका मुमबहादुर सार्कीको मृत्यु भएको प्रहरीले जानकारी दिएको छ । उनको घटनास्थलमै मृत्यु भएको थियो । घटनामा अन्य तीन जना घाइते भएका छन् ।

घाइते हुनेमा स्थानीय ६० वर्षी सहबिरे नेपाली, १८ वर्षीया बिपना नेपाली र ५७ वर्षीय लालबहादुर नेपाली छन् । उनीहरुको जैदी स्वास्थ्य चौकीमा उपचार भइरहेको छ । उक्त घटनामा एउटा भैंसीसमेत मरेको स्थानीयले जानकारी दिए ।