बलात्कार आरोपमा १७ वर्षीय किशोर पक्राउ- गण्डकी - कान्तिपुर समाचार

बलात्कार आरोपमा १७ वर्षीय किशोर पक्राउ

अगन्धर तिवारी

पर्वत — बलात्कार गरेको आरोपमा पर्वत प्रहरीले १७ वर्षीय किशोरलाई पक्राउ गरेको छ । पैयुँ गाउँपालिकाका ती किशोरमाथि ३८ वर्षे महिलालाई बलात्कार गरेको आरोप छ  

प्रहरीका अनुसार गत वैशाख १५ गते साँझ ६ बजेतिर खेतमा काम गरिरहेको समयमा ती महिलालाई किशोरले बलात्कार गरेको जाहेरीमा उल्लेख छ । पीडित महिलाका दाजुले बलात्कार आरोप लगाउँदै गत शुक्रबार पर्वत प्रहरीमा उजुरी दिएको प्रहरी निरीक्षक राजेन्द्र अधिकारीले बताए ।

सोही उजुरीका आधारमा प्रहरीले शनिबार किशोरलाई नियन्त्रणमा लिएको हो । प्रहरीका अनुसार पर्वत जिल्ला अदालतबाट आइतबारदेखि लागु हुने गरी ५ दिनको म्याद लिएर अनुसन्धान भइरहेको छ । गोपनीयताका कारण दुवै पक्षको विवरण नखुलाइएको प्रहरीको प्रेस नोटमा उल्लेख छ ।


प्रकाशित : भाद्र २८, २०७८ ११:५६
प्रतिक्रिया
पठाउनुहोस्

बजारमा डिजोको मोडल स्टार ३००

कान्तिपुर संवाददाता

काठमाडौँ — रियलमीले डिजो फोनको मोडल स्टार ३०० सार्वजनिक गरेको छ ।

डिजो ३०० मा प्रिमियम १.७७ इन्चको स्क्रिन डिस्प्ले, २५ सय ५० एमएएचको ब्याट्री र डुअल माइक्रो सिम सपोर्ट छ ।

यसको अर्काे मोडल मोडल स्टार ५०० मा प्रिमियम डिजाइन २.८ इन्चको स्क्रिन डिस्प्ले, १९ सय एमएएचको ब्याट्रीलगायत विशेषता छन् । साथै एआईओटी गोपड्स, गो पड्स डी र स्मार्ट घडीसमेत बजारमा उपलब्ध छ ।

यसले एन्ड्रोइड र आईओएसलाई दुवैलाई सपोर्ट गर्ने कम्पनीले जनाएको छ । डिजो स्टार ३०० को मूल्य २ हजार ७८, डिजो स्टार ५०० को मूल्य २८ सय ७८, गोपड्सको मूल्य ६ हजार ६९, गोपड्स डीको मूल्य २८ सय ९९ र स्मार्ट घडीको मूल्य ६४ सय ६४ रुपैयाँ रहेको कम्पनीले बताएको छ ।

डिजोले रियलमी इको सिस्टमको आधिकारिक वितरकमा पशुपति ट्रेडलिंक प्रालिलाई नियुक्त गरेको छ ।

प्रकाशित : भाद्र २८, २०७८ ११:१६
पूरा पढ्नुहोस्
प्रतिक्रिया
पठाउनुहोस्
×