गोरखामा साउन २४ गतेसम्म थपियो निषेधाज्ञा- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

गोरखामा साउन २४ गतेसम्म थपियो निषेधाज्ञा

हरिराम उप्रेती

गोरखा — गोरखामा जारी निषेधाज्ञा साउन २४ गतेसम्म थपिएको छ । शुक्रबार बसेको जिल्ला कोभिड संकट व्यवस्थापन केन्द्रको सिफारिसमा प्रमुख जिल्ला अधिकारी शालिग्राम शर्मा पौडेलले थप १५ दिन निषेधाज्ञा जारी गरेका हुन् । यसअघि साउन ९ गते(शनिबार) राति १२ बजेसम्म निषेधाज्ञा जारी भएको थियो ।

जिल्लामा नयाँ भेरियन्टसहितको कोरोना भाइरस संक्रमणको अवस्थालाई मध्यनजर लिँदै संक्रमण रोकथाम, नियन्त्रण र व्यवस्थापनको लागि निषेधाज्ञालाई निरन्तरता दिने निर्णय भएको प्रशासनका अधिकृत हर्क रोकाले बताए ।

निषेधाज्ञाको अवधिमा सबै प्रकारको सभा सम्मेलन, गोष्ठी, तालिम, सेमिनार, भेला, जात्रा, महोत्सव गर्न निषेध गरिएको छ । जिल्लाभित्र निजी तथा सार्वजनिक सवारी साधान भने यसअघि नै सञ्चालनमा छ । विश्वविद्यालय, क्याम्पस एवं माध्यमिक विद्यालयहरुको पूर्वनिर्धारित परीक्षाहरु स्वास्थ्य सावधानी अपनाएर भौतिक दूरी कायम गरी सञ्चालन गर्न पाइने भएको छ । क्याम्पस विद्यालय लगायतका सबै शैक्षिक संस्था, तालिम प्रशिक्षक केन्द्रबाट भौतिक रुपमा उपस्थित भइ हुने पठनपाठन लगायतका शैक्षिक गतिविधिहरु सञ्चालनमा भने रोक लगाइएको छ ।

दैनिक उपभोग्य खाद्यान्न, तरकारी, फलफूल लगायतका पसलहरु बिहान ५ बजेदेखि साँझ ७ बजेसम्म खुल्ला रहेनछन् । यसअघि बिहान ५ बजेबाट साँझ ५ बजेसम्म मात्र खाद्यान्न पसल खुल्दै आएका थिए । होटल–लज सञ्चालनका सम्बन्धमा जनस्वास्थ्यका निर्धारित मापदण्ड पालना गरी कुल कोठा संख्याको ५० प्रतिशत नबढ्ने गरी सञ्चालन गर्न पाइने र कोठाहरु प्रत्येक दिन अनिवार्य निसंक्रमण गर्नुपर्ने रोकाले बताए ।

प्रकाशित : श्रावण ८, २०७८ १६:४७
प्रतिक्रिया
पठाउनुहोस्

विमानस्थल गेटमा यतीले राखिदियो ट्राफिक संकेत बत्ती

कान्तिपुर संवाददाता

काठमाडौँ — त्रिभुवन अन्तर्राष्ट्रिय विमानस्थलको प्रस्थानद्वार (गोल्डेन गेट)मा बिहीबारदेखि ट्राफिक संकेत लाइट राखिएको छ ।

यती एयरलाइन्सले आफ्नो सामाजिक उत्तरदायित्वअन्तर्गत एयरपोर्टको मुख्य प्रवेशद्धारमा तीन वटा अत्याधुनिक ट्राफिक बत्ती जोडेको हो ।

विगतमा यस क्षेत्रमा हुने लामो ट्राफिक जामका कारण हवाई यात्रुलाई समयमै विमानस्थल पुग्न कठिनाइ हुने गरेकोले महानगरीय ट्राफिक महाशाखासँगको सहकार्यमा ट्राफिक लाइट जडान गरिएको यती एयरलाइन्सका प्रवक्ता सुदर्शन बर्तौलाले जानकारी दिए ।

यतीले यसअघि पनि ट्राफिक प्रहरीको सहजताका लागि गौशालामा सीसीटीभी क्यामेरा जडान, ट्राफिक सूचना बोर्ड, आइल्यान्ड निर्माणलगायत काम गरेको बताएको छ ।

ट्राफिक प्रहरीलाई एक हजार थान फ्लोसेन्ट ज्याकेट पनि वितरण गरेको छ ।


प्रकाशित : श्रावण ८, २०७८ १६:४३
पूरा पढ्नुहोस्
प्रतिक्रिया
पठाउनुहोस्
×