मर्मत सकेको एक सातामै भत्कियो बारपाक जोड्ने पक्की पुल- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

मर्मत सकेको एक सातामै भत्कियो बारपाक जोड्ने पक्की पुल

हरिराम उप्रेती

गोरखा — मर्मत सकेको एक सातामै बारपाक जोड्ने पक्की पुल भत्किएको छ । बाह्रकिलो–बारपाक सडक खण्ड अन्तर्गत बालुवाको पक्की पुलसँग जोडिएको सडक दरौदीको भेलले भत्काएको हो ।

पुल भत्किएपछि सोमबारबाट आवातजावत ठप्प बनेको छ । उक्त सडक भएर बारपाक, लाप्राक, गुम्दाका स्थानीय आउजाउ गर्दै आएका छन् । सडक अवरुद्ध भएपछि अत्यावश्यक कामका लागि सदरमुकामसम्म पुग्न स्थानीयलाई सास्ती भएको छ ।

आइतबार रातिको भेलले अजिरकोट गाउँपालिका र बारपाक सुलिकोट गाउँपालिका जोड्ने बालुवास्थित पक्की पुलको एकापटिको भाग कटान गरेको स्थानीय प्रदीप घलेले बताए । ‘गाडी आउन जान मिल्दैन, मान्छे भने हिँड्न मिलेको छ,’ उनले भने । पुलको बालुवातर्फको ‘एप्रोच’ सडक कटान भएको हो । डेढ साताअघिको दरौदीको भेलले पुलसँग जोडिएको सडक बगाएपछि मर्मत गरेर सवारी सुचारु भएको थियो ।

पुलसँगै जोडिएको सडक भाँसिएको र मर्मतको तयारी भइरहेको ११ किलो छेवेटार भालुस्वाँरा सडकका इन्जिनियर राजेश यादवले बताए । ‘मर्मत सकेको हप्तादस दिन भएको थियो, ग्राभेल राखेर एप्रोच सडक बनाएका थियौं,’ उनले भने,‘फेरि गए रातिको भेलले काटिदिएछ, आजैबाट मर्मत थाल्छौं ।’ नदी डाइभर्ट नहुँदा खोला कर्नरतिर (बालुवातर्फ) बगेको उनले बताए ।

प्रकाशित : श्रावण ४, २०७८ १५:१५
प्रतिक्रिया
पठाउनुहोस्

प्रधानमन्त्री देउवा र मोदीबीच फोनवार्ता, खोप चाँडै उपलब्ध हुने विश्वास

कान्तिपुर संवाददाता

काठमाडौँ — प्रधानमन्त्री शेरबहादुर देउवा र भारतीय प्रधानमन्त्री नरेन्द्र मोदीबीच फोनवार्ता भएको छ । फोनवार्तामा भारतीय प्रधानमन्त्री मोदीले प्रधानमन्त्री देउवालाई बधाई दिँदै दुई मुलुकबीचको आपसी हित र समझदारीमा कुरा भएको परराष्ट्र मन्त्रालयले ट्वीटमार्फत जानकारी दिएको छ ।

फोनवार्तामा भारत र नेपालबीच कोरोनाविरुद्धको लडाईंमा पनि सहकार्य गर्ने विषयमा कुरा भएको मोदीले आफ्नो ट्वीटमा भनेका छन् । नेपालको परराष्ट्र मन्त्रालयले भने फोनवार्तामा मोदीले नेपाललाई कोरोनाविरुद्धक खोप समेत चाँडै उपलब्ध गराउने विश्वास दिलाएको दाबी गरिएको छ ।



प्रकाशित : श्रावण ४, २०७८ १५:११
पूरा पढ्नुहोस्
प्रतिक्रिया
पठाउनुहोस्
×