तनहुँमा पहिरोमा पुरिएर एक जनाको मृत्यु
तनहुँ — जिल्लाको रिसिङ गाउँपालिका-७, दधिवनमा बिहीबार बिहान आएको पहिरोमा पुरिएर एक महिलाको मृत्यु भएको छ । मृत्यु हुनेमा करिब ५० वर्षीया देवीसरा थापा रहेको वडासदस्य नीरबहादुर थापाले बताए ।
उनले भने, 'घरबाट भाग्ने क्रममा माथिबाट खसेको पहिरोले पुरिएर उनको मृत्यु भएको हो । उनका श्रीमान् भने भागेर ज्यान बचाउन सफल भए ।'
पानी परिरहेकाले शव निकाल्न नसकिएको वडा कार्यालयले जनाएको छ । पहिरोले दधिवनमा ३ घर क्षतिग्रस्त भएका छन् । अन्य थुप्रै घर जोखिममा रहेको वडा कार्यालयले जनाएको छ ।
प्रकाशित : असार २४, २०७८ १२:५०