गोरखा — आरुघाट गाउँपालिका–२ स्थित ठोट्नेरी खोलाले बगाउँदा बर्दिया घर भएका ३८ वर्षीय गोविन्द चौधरी बेपत्ता भएका छन् ।
ट्रक मर्मतको कामका लागि गोरखा बस्दै आएका चौधरीलाई कटुन्जे जाँदै गर्दा मंगलबार बिहान ठाडो खोलाको भेलले बगाएको जिल्ला प्रहरी कार्यालय गोरखाका डीएसपी प्रकाश दाहालले बताए । स्थानीय र मान्बु प्रहरी चौकीबाट खटिएका टोलीले उनको खोजी गरिरहेको दाहालले जानकारी दिए ।