पहिरोले सिद्धार्थ राजमार्गको स्याङ्जा सडकखण्ड अवरुद्ध

भालु पहाडका दुई ठाउँमा पहिरो खसेको छ । पहिरोका कारण राजमार्ग अवरुद्ध हुदाँ सवारी साधन रोकिएका छन् । पहिरो हटाउनको लागि सडक डिभिजन कार्यालय पोखराबाट ब्याकहो लोडर माग गरिएको जिल्ला प्रहरी प्रवक्ता डीएसपी राजेन्द्र अधिकारीले बताए ।

पहिरो गएको उक्त स्थानमा हिउँददेखि सडक फराकिलो पार्ने भन्दै डोजर लगाइएको थियो । वर्षाका कारण यहाँ पटकपटक सडक अवरुद्ध हुँदै आएको छ ।