गण्डकीमा विपक्षी दलले ३१ सांसदको हस्ताक्षर बुझाउने - गण्डकी - कान्तिपुर समाचार
कान्तिपुर वेबसाईट
AdvertisementAdvertisement

गण्डकीमा विपक्षी दलले ३१ सांसदको हस्ताक्षर बुझाउने 

प्रतीक्षा काफ्ले

काठमाडौँ — गण्डकी प्रदेशका मुख्यमन्त्री पृथ्वीसुव्वा गुरुङले पदबाट राजीनामा दिएपछि विपक्षी दलले नयाँ सरकार गठनका लागि प्रदेश प्रमुखसमक्ष बहुमत सांसदको हस्ताक्षर बुझाउने भएका छन् ।

गण्डकी प्रदेश सभा भवनबाट बाहिरिँदै सांसद । तस्बिर : प्रतीक्षा काफ्ले/कान्तिपुर ।

मुख्यमन्त्रीको राजीनामासँगै प्रदेश प्रमुखले नयाँ सरकार गठनका लागि आह्वान गरेकोमा विपक्षी दलले ३ दिनभित्र बहुमतको हस्ताक्षर बुझाउने कांग्रेस सांसद विष्णुप्रसाद लामिछानेले बताए । उनका अनुसार विपक्षी दल अव कसरी जाने भन्ने विषयमा छलफलमा जुटेको छ ।

‘हामी ३१ जनाको हस्ताक्षर संकलन गरेर प्रदेश प्रमुखलाई बुझाउँछौ’ उनले भने । गण्डकीमा बहुमतको लागि ३१ जनाको हस्ताक्षर चाहिन्छ । सोमबार अविश्वासको प्रस्तावमाथि मतदान हुने तय भएकोमा आइतबार नै मुख्यमन्त्रीले राजीनामा दिएका हुन् । अविश्वासको प्रस्ताव पास हुने सम्भावना देखेपछि उनको राजीनामा आएको स्रोतले जनाएको छ ।

प्रकाशित : वैशाख २६, २०७८ १८:०३
प्रतिक्रिया
पठाउनुहोस्

सल्यानमा होम आइसोलेसनमा बसेका दुई जना संक्रमितको मृत्यु

विप्लव महर्जन

सल्यान — कोरोना संक्रमित भइ होम आइसोलेसनमा बसेका सल्यानका दुई जना महिलाको आइतबार मृत्यु भएको छ ।

कपुरकोट गाउँपालिका–३ की ४० वर्षीया र सिद्धकुमाख गाउँपालिका–२ की ४१ वर्षीया महिलाको मृत्यु भएको हो ।

जिल्ला स्वास्थ्य कार्यालय सल्यानका सूचना अधिकारी थलराज डिसीका अनुसार दुवै महिला सामान्य अवस्थामा भएकाले केही दिन अघिदेखि मात्र होम आइसोलेसनमा बसेका थिए । कपुरकोटकी महिलाको वैशाख १७ गते र सिद्धकुमाखकी महिलाको २१ गते पीसीआर परीक्षण गर्दा रिपोर्ट पोजेटिभ आएको थियो ।

अहिलेसम्म सल्यानमा कोरोनाबाट मृत्यु हुनेको संख्या १६ पुगेको र होम आइसोलेसनमा बस्ने क्रममा मृत्यु हुनेको संख्या भने ३ जना पुगेको सूचना अधिकारी डिसीले जानकारी गराए । कोरोनाबाट १६ जनाको मृत्यु भएकोमा जिल्लाभित्र १२ र बाहिर चार जनाको कोरोनाबाट मृत्यु भएको उनको भनाइ छ । जिल्लामा अहिलेसम्म कोरोना संक्रमितको झन्डै ५ सय पुगेको छ ।

प्रकाशित : वैशाख २६, २०७८ १८:०२
पूरा पढ्नुहोस्
प्रतिक्रिया
पठाउनुहोस्
×