कोरोनाबाट पूर्वी नवलपरासीमा थप दुईको मृत्यु
पूर्वी नवलपरासी — पूर्वी नवलपरासीमा कोरोना संक्रमणबाट शुक्रबार बिहान दुई जनाको मृत्यु भएको छ । मृत्यु हुनेमा सदरमुकाम कावासोती र र मध्यविन्दु नगरपालिकाका दुई पुरुष छन् ।
जिल्ला स्वास्थ्य कार्यालयका अनुसार कावासोती नगरपालिका–२ का ६१ वर्षीय पुरुषको उपचारका क्रममा बिहान चितवन मेडिकल कलेजमा मृत्यु भएको हो ।
त्यसै गरी मध्यविन्दु नगरपालिका–१२ का ७० वर्षीय पुरुषको भरतपुर अस्पतालमा मृत्यु भएको हो । यससँगै पूर्वी नवलपरासीमा वैशाखयता कोरोना संक्रमणबाट १० जनाको मृत्यु भइसकेको छ । जिल्लामा ५ सय २२ संक्रमित होम आइसोलेसनमा छन् ।
प्रकाशित : वैशाख २४, २०७८ ०९:४२प्रतिक्रिया