लागूऔषधसहित दुईजना पक्राउ
कास्की — पोखरा महानगरपालिका–३ नदीपुरस्थित सवारीसाधन जाँज गर्ने क्रममा लागूऔषधसहित दुईजना पक्राउ परेका छन् । पक्राउ पर्नेमा पोखरा महानगर–२ बाग्लुङ बसपार्कका १८ वर्षीय मनिष केसी र २० वर्षका किस्मत पौडेल रहेका छन् ।
प्रहरीले शुक्रबार बिहान साढे नौ बजे उनीहरुलाई पक्राउ गरेको जनाएको छ ।
स्कुटरमा सवार उनीहरुको साथबाट १० पत्ता (एकसय पिस) ट्रेप्पल नामक लागूऔषध फेला पारिएको छ । प्रहरीले स्कुटरससहित दुवैजनालाई नियन्त्रणमा लिएको जनाएको छ ।
प्रकाशित : वैशाख ३, २०७८ १६:०४