इनारमा डुबेर तनहुँमा बालकको मृत्यु
तनहुँ — इनारमा डुबेर जिल्लामा एक बालकको मृत्यु भएको छ । ऋषिङ गाउँपालिका-१ झापुटारका आठ वर्षीय बालकको आइतबार इनारमा डुबेर मृत्यु भएको हो ।
स्थानीय देउबहादुर गागा मगरका छोरा डिक्सनको इनारमा डुबेर मृत्यु भएको जिल्ला प्रहरी कार्यालय तनहुँका प्रवक्ता प्रहरी नायव उपरीक्षक युवराज तिमिल्सिनाले बताए । उनका अनुसार स्थानीयले खनेको इनारमा डुबेर सख्त घाइते भएका बालकको उपचारको लागि दमौली अस्पताल ल्याइएकोमा चिकित्सकले मृत घोषणा गरेका थिए ।
प्रकाशित : चैत्र १५, २०७७ १९:३०