बागलुङ — आफन्तकोमा पूजाको निम्तो मान्न गएका एक किशोरको खोलामा शव भेटिएको छ । निसीखोला गाउँपालिका–१ का १७ वर्षीय जोकलाल कामी मृत भेटिएको जिल्ला प्रहरी कार्यालय बागलुङका सूचना अधिकारी इकबाल हवारीले बताए ।
सोमबार घरबाट निस्केका उनको बुधबार राति स्थानीय झ्याउरे खोलामा शव भेटिएको हो । शव पोस्टमार्टम गरेर परिवारलाई बुझाइएको र घटनाको अनुसन्धान भइरहेको हवारीले जानकारी दिए ।