माटोको ढिस्कोले पुरिँदा एकको मृत्यु
तनहुँ — जिल्लाको शुक्लागण्डकी नगरपालिकामा मंगलबार माटोको ढिस्कोले पुरिदा एकजनाको मृत्यु भएको छ ।
धादिङ नेत्रावती गाउँपालिका–५ कटुन्जे घर भइ हाल शुक्लागण्डकी–८ किमलडाँडामा बसोबास गर्दै आएका ५३ वर्षीय धनबहादुर गुरुङको मृत्यु भएको जिल्ला प्रहरी कार्यालय तनहुँले जनाएको छ ।
काम गर्ने सिलसिलामा माथिबाट खसेको माटोको ढिस्कोले गुरुङलाई पुरेको प्रहरीले बताएको छ । घटनाको थप अनुसन्धान भइरहेको प्रहरीले जनाएको छ ।
प्रकाशित : फाल्गुन २५, २०७७ २०:१५प्रतिक्रिया