कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १६१

टर्फ मैदानमा फुटबल मेला

३५ लाख खर्चेर कृत्रिम फुटबल मैदान
कान्तिपुर संवाददाता

गोरखा — गोरखा नगरपालिका–९ दलभन्ज्याङमा फागुन २४ देखि २७ सम्म तेस्रो फुटबल मेला हुने भएको छ । द ओसन क्लबले आयोजना गर्ने मेलामा भेट्रान्स कप फुटबल, यू–१३ फुटबल र फोटो प्रदर्शनीलगायत गतिविधि हुने क्लबका अध्यक्ष अमित खत्रीले जानकारी दिए ।

यू–१३ प्रतियोगिताका लागि विद्यालय वा क्लबले सहभागिता जनाउन सक्नेछन् । विजेताले १५ र उपविजेताले १० हजार रुपैयाँ पाउनेछन् । गोरखाको फुटबल विकासमा योगदान गर्नेमध्ये एकजनालाई सोही अवसरमा लाइफटाइम एचिभमेन्ट अवार्ड प्रदान गरिनेछ । खेलप्रेमीलाई एकीकृत गर्ने, अग्रज र युवा खेलाडीको जमघट गराउने, युवा खेलाडीको प्रतिभा प्रस्फुटन, जिल्लाको खेल पर्यटन विकासमा सहयोग पुर्‍याउने, स्थानीय कला, संस्कृति तथा परम्परागत खानपान प्रवर्द्धन गर्ने उद्देश्यले मेला गर्न लागिएको आयोजकले जनाएको छ ।

क्लबले दलभन्ज्याङमा निर्माण गरेको आर्टिफिसियल टर्फ (कृत्रिम घाँसे मैदान) को खर्च विवरण पनि सार्वजनिक गरेको छ । मैदान निर्माण गर्न ३५ लाख १९ हजार रुपैयाँ खर्च भएको क्लबका अध्यक्ष खत्रीले बताए । ‘३५ लाखमध्ये २६ लाख जुटायौं, सामान खरिद गरेको ठाउँमा अझै आठ लाख तिर्नै बाँकी छ,’ उनले भने, ‘बाँकी रकमलाई दाताको खोजी भइरहेको छ ।’

गोरखा नगरपालिकाबाट ११ लाख ४६ हजार, गण्डकी प्रदेशको सांसद कोषबाट ७ लाख ८ हजार र विभिन्न व्यक्ति तथा संघसंस्थाबाट ८ लाख १२ हजार रुपैयाँ जुटेको खत्रीले बताए । खेलप्रेमीका लागि बाह्रै महिना फुटबल खेल्न दलभन्ज्याङमा क्लबकै सक्रियतामा कृत्रिम घाँसे मैदान निर्माण भएको हो । मैदानमा अत्यावश्यक चेन्जिङ रूम, शौचालयलगायतका संरचना निर्माण गर्न अझै करिब २० लाख अपुग रहेको क्लबले जनाएको छ ।

प्रकाशित : फाल्गुन ११, २०७७ ०९:०६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?