पारस शाह गोरखा दरबारमा
गोरखा — पूर्वयुवराज पारस शाहले बुधबार गोरखा दरबार अवलोकनसँगै विशेष पूजा गरेका छन् ।
तत्कालीन शाहवंशीय राजाले कुलदेवताको रुपमा मान्ने गोरखा कालिका र गोरखनाथ मन्दिरमा पूजाका लागि पारस शाह गोरखा आएको उनका सल्लाहकार कृष्ण श्रेष्ठले बताए । ‘गोरखा दरबारको अवलोकन, पूजा र ग्रहशान्तिको लागि गोरखा आएका हौँ,’ उनले भने ।
गोरखा दरबार अवलोकन र पूजापछि राजतन्त्र समर्थकहरुसँग भेटघाट कार्यक्रमको आयोजना गरिएको छ । शाह गोरखा आएपछि बुधबार बिहानैबाट राजसंस्थाका पक्षधरहरु गोरखा दरबारमा भेला भएका थिए ।