कावासोतीमा कोरोनाले थप एकको मृत्यु

ती व्यक्ति जिल्ला अस्पताल डन्डामा पाँच दिनअघि उपचारका लागि भर्ना भएका थिए । उनमा निमोनियासमेत देखिएको अस्पतालले जनाएको छ । अहिलेसम्म कोरोना संक्रमणबाट पूर्वी नवलपरासीमा २९ जनाको मृत्यु भइसकेको छ । संक्रमित २ हजारभन्दा बढी पुगेका छन् । जिल्लाको कोभिड अस्थायी अस्पताल रजहरमा उपचार गराएका ८ सय ३९ निको भइसकेका छन् । तीन सातायता कोरोना संक्रमण देखिएकाहरू होम आइसोलेसनमा बस्ने क्रम बढेको छ ।