सवारी दुर्घटनामा एकको मृत्यु, दुई घाइते- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

सवारी दुर्घटनामा एकको मृत्यु, दुई घाइते

नारायण शर्मा

नवलपरासी — पूर्वी नवलपरासीको चोरमारामा स्कुल बस र मोटरसाइकल ठोक्किँदा गम्भीर घाइते भएका ३ जनामध्ये एकको मृत्यु भएको छ ।

प्रहरीका अनुसार आज बिहान भएको दुर्घटनामा परेका ३५ वर्षीय सन्तबहादुर कुमालको उपचारका क्रममा केहीबेर अघि मृत्यु भएको हो । उनी मध्यविन्दु नगरपालिका–१३ निवासी हुन । थुम्कीदेवी ब्राइट फ्युचर इंलिस बोर्डिङ स्कुलको बसले मोटरसाइकललाई ठक्कर दिँदा अन्य २ जना गम्भीर घाइते भएका छन् ।

मध्यविन्दु नगरपालिका–९ बसन्तपुरको भित्री सडकखण्डमा ग १ क २४८३ नम्बरको स्कुल बसले विपरीत दिशाबाट आउँदै गरेको लु २० प २४३७ नम्बरको मोटरसाइकललाई ठक्कर दिँदा ३ जना गम्भीर घाइते भएका थिए ।

जिल्ला प्रहरी कार्यालय कावासोतीका अनुसार दुर्घटनामा परी मध्यविन्दु १३ निवासी मनु विक र २६ वर्षीय तुलबहादुर खाम्चा गम्भीर घाइते भएका छन् । ठक्कर दिने बसका चालक फरार रहेको प्रहरीले जनाएको छ ।

प्रकाशित : मंसिर १६, २०७७ १२:५०
प्रतिक्रिया
पठाउनुहोस्

गोलबजारका दुई पसलमा आगलागी

रासस

लहान — सिरहाको गोलबजार नगरपालिका– ४ का दुई कपडा पसलमा आज बिहान आगलागी हुँदा करीब दुई करोड मूल्य बराबरको क्षति भएको छ ।

गोलबजारस्थित कञ्चन वस्त्रालय र किसन ट्रेडर्स एण्ड सप्लायर्समा आगलागी हुँदा नगद ५० हजारसहित कपडा जलेर नष्ट भएको छ ।

आगलागीबाट सँगै रहेका दुई कपडा पसलमा रहेका कपडालगायत सम्पूर्ण समान जलेर नष्ट भएको इलाका प्रहरी कार्यालय गोलबजारका प्रहरी निरीक्षक सन्तोष राईले जानकारी दिए ।

पसलका सबै सटर बन्द थिए । विद्युत् चुहिइ आगलागी भएको हुनसक्ने अनुमान गरिए पनि एकिन हुन नसकेको प्रहरीले जनाएको छ । गोलबजार, मिर्चैया र लहान नगरपालिकाका वारुणयन्त्र, नेपाल प्रहरी, नेपाली सेना तथा स्थानीयवासीका प्रयासमा आगो नियन्त्रणमा आएको प्रहरी निरीक्षक राईले बताए ।

प्रकाशित : मंसिर १६, २०७७ १२:३७
पूरा पढ्नुहोस्
प्रतिक्रिया
पठाउनुहोस्
×