पोखरामा ३ कोरोना संक्रमितको मृत्यु

मृत्यु हुनेमा पोखरा–२ का ५९ वर्षीय पुरुष, पोखरा–३२ की ६६ वर्षीया महिला र पोखरा–७ की ७६ वर्षीया महिलाको मृत्यु भएको हो । पुरुषको बिहीबार बेलुकी चरक मेमोरियल अस्पतालमा निधन भएको हो ।

यसैगरी ६६ वर्षीया महिलाको शुक्रबार पोखरा स्वास्थ्य विज्ञान प्रतिष्ठान र अर्की महिलाको पनि शुक्रबारै गण्डकी मेडिकल कलेजमा निधन भएको निर्देशनालयले जनाएको छ । मंसिर ५ मा कोरोना पुष्टि भएका पुरुषमा मिर्गौला र मधुमेहको समस्यासमेत थियो ।

यसैगरी मंसिर ५ मै कोरोना पुष्टि भएकी ६६ वर्षीयामा निमोनिया र मधुमेहको समस्या रहेको निर्देशनालयले जनाएको छ । मंसिर ८ मा कोरोना पुष्टि भएकी ७६ वर्षीयामा निमोनिया देखिएको थियो । योसँगै प्रदेशमा कोरोनाबाट मृत्यु हुनेको संख्या १४७ पुगेको छ ।