नवलपरासीको जंगलमा गैंडा मृत फेला

कावासोती नगरपालिका-१३ स्थित नमुना मध्यवर्ती सामुदायिक वनमा अन्दाजी ५/६ महिनाको पोथी गैंडा मृत अवस्थामा फेला परेको हो ।

चितवन राष्ट्रिय निकुञ्ज पश्चिम सेक्टर प्रमुख पशुपति अधिकारीले भाले र पोथी गैंडाबीच समागम हुने बेला बच्चा गैंडा आएपछि भाले गैंडाले हानेर बच्चा मरेको हुन सक्ने बताए ।

एक वर्षयता विभिन्न कारणबाट गैंडा मर्ने क्रम बढेपछि सरोकारवालाले चिन्ता व्यक्त गरेका छन् । नवलपरासीमा यो समेत गरी चालू आर्थिक वर्षमा ५ वटा गैंडा मरेका छन् ।