पोखरा — पोखरा महानगरपालिकामा कोरोनाबाट थप एक जनाको मृत्यु भएको छ । वडा नं १० का ७६ वर्षीय पुरुषको बुधबार बिहान मृत्यु भएको हो ।
पोखरा स्वास्थ्य विज्ञान प्रतिष्ठानमा उपचारका क्रममा उनको मृत्यु भएको गण्डकी प्रदेश स्वास्थ्य निर्देशनालयले जनाएको छ । सोमबार कोरोना संक्रमण पुष्टि भएका उनलाई निमोनिया देखिएको थियो । यससँगै गण्डकी प्रदेशमा कोरोनाबाट मृत्यु हुनेको संख्या १ सय ४२ पुगेको छ ।