गोरखा नगरपालिकाका विद्यालय मंसिर १५ गतेसम्म बन्द- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

गोरखा नगरपालिकाका विद्यालय मंसिर १५ गतेसम्म बन्द

हरिराम उप्रेती

गोरखा — शिक्षक कर्मचारीमा कोरोना देखिएपछि गोरखा नगरपालिका क्षेत्रका विद्यालय मंसिर १५ गतेसम्म बन्द गरिएको छ । कोरोना संक्रमण जोखिमलाई मध्यनजर गरेर विद्यालय बन्द गरिएको गोरखा नगरपालिकाले शनिबार सूचना जारी गरी जनाएको छ ।

नगर क्षेत्रका मात्र सात जना शिक्षकमा कोरोना पुष्टि भइ आइसोलेसनमा छन् । कोरोना पुष्टि भएका पाँच शिक्षक भने निको भइसकेका छन् । समुदायस्तरका ब्यक्ति तथा शिक्षकहरुमा समेत संक्रमण देखिएपछि जोखिम बढ्न सक्ने संभावनालाई मध्यनजर गरेर सावधानी अपनाइएको नगरपालिकाको शिक्षा शाखाका स्रोत शिक्षक धुव्र अर्यालले बताए । ‘वैकल्पीक सिकाइ सहजीकरण निर्देशिका २०७७ अनुसार विद्यालयलाई पनि सिकाइ केन्द्र मानेर सिकाइ सहजीकरण भएको थियो,’ उनले भने,‘जोखिम बढेपछि प्रत्यक्ष सिकाइ सहजीकरण बन्द गरेका हौं ।’

गोरखा नगरपालिकाका अनुसार नगर क्षेत्रमा शिक्षक, कर्मचारी र समुदायस्तरका गरी हाल ६५ जना सक्रिय संक्रमित छन् । कन्ट्र्याक्ट ट्रेसिङमार्फत कोरोना परीक्षण गरी स्थितिलाई सामान्य अवस्थामा ल्याउन विद्यालय बन्द गरेर सतर्कता अपनाइएको हो ।

गोरखा नगरपालिकामा ४९ सामुदायिक, १८ संस्थागत र १० धार्मिक विद्यालय छन् ।

प्रकाशित : मंसिर ६, २०७७ १८:२१
प्रतिक्रिया
पठाउनुहोस्

प्यूठानका दुई पालिकामा आइतबारदेखि विद्यालय सञ्चालन हुने

गिरुप्रसाद भण्डारी

प्यूठान — कोभिड १९ को संक्रमणका कारण बन्द रहेका प्यूठानको स्वर्गद्वारी नगरपालिका र ऐरावति गाउँपालिका भित्रका विद्यालय आइतबारबाट सञ्चालन हुने भएका छन् ।

नेपाल सरकारद्वारा जारी विद्यालय सञ्चालन सम्वन्धी कार्यढाँचा २०७७ अनुसार स्वास्थ्य मापदण्ड पूरा गर्दै विद्यालय सञ्चालन गर्ने दुवै स्थानीय तहले शनिबार निर्णय गरेका हुन् । ऐरावति गाउँपालिकास्तरीय सर्वपक्षीय सर्वदलीय बैठकले मंसिर ७ गते आइबारदेखि विद्यालय सञ्चालन गर्ने निर्णय गरिएको गाउँपालिका अध्यक्ष नविलविक्रम शाहले जानकारी दिए ।

स्वास्थ्य मापदण्ड पालना गरी उच्च सतर्कताका साथ विद्यालय सञ्चालन गर्न आग्रह गरिएको शाहले बताए । यस्तै स्वर्गद्वारी नगर शिक्षा समिति र कोभिड १९ संकट व्यवस्थापन केन्द्रको संयुक्त बैठकले नगरपालिकाभित्रका विद्यालय सञ्चालन गर्ने निर्णय गरिएको नगरपालिकाका मेयर नेत्रबहादुर रोकायले जानकारी दिए ।


प्रकाशित : मंसिर ६, २०७७ १७:५८
पूरा पढ्नुहोस्
प्रतिक्रिया
पठाउनुहोस्
×