२ लाख ५ हजार नगदसहित १६ जुवाडे पक्राउ- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

२ लाख ५ हजार नगदसहित १६ जुवाडे पक्राउ

नारायण शर्मा

नवलपरासी पूर्व — पूर्वी नवलपरासीको विभिन्न स्थानमा जुवा खेल्दै गरेका १६ जना पक्राउ परेका छन् । उनीहरुबाट २ लाख ५ हजार नगद बरामद भएको छ ।

गैंडाकोटमा पासा खेल्दै गरेका ११ जना पक्राउ परेका छन । गएराति गैंडाकोट नगरपालिका–८ स्थित एक घरमा पासा खेल्दै गरेको अवस्थामा उनीहरु पक्राउ परेका हुन् । उनीहरुबाट एक लाख २४ हजार ४ सय ४९ नगद बरामद भएको छ ।

त्यस्तै जिल्ला प्रहरी कार्यालयका अनुसार कावासोतीबाट ८० हजार नगदसहित ५ जुवाडे पक्राउ परेका छन् । कावासोती नगरपालिका वडा नम्बर–५ स्थित एक घरमा जुवा खेलिरहेको अवस्थामा गए राति ५ जना पक्राउ परेका हुन् ।

प्रकाशित : मंसिर २, २०७७ १०:५८
प्रतिक्रिया
पठाउनुहोस्

दुई लाख नगद र सात लाखको चेकसहित कुलेश्वरबाट सात जुवाडे पक्राउ

रासस

काठमाडौँ — नेपाल प्रहरीले दुई लाख ३८ हजार ८ सय ५० नगद र सात लाख ९४ हजार ८ सय ७० रूपैयाँ बराबरको विभिन्न बैंकको चेकसहित सात जुवाडेलाई पक्राउ गरेको छ ।

महानगरीय प्रहरी वृत्त कालिमाटीको टोलीले काठमाडौँ महानगरपालिका–१४ कुलेश्वरमा ४४ वर्षीय शिव श्रेष्ठको घरमा जुवा खेलिरहेको अवस्थामा सोमबार साँझ पक्राउ गरेको हो । पक्राउ पर्नेमा काभ्रेका ४४ वर्षीय यादव चौलागाईँ, धादिङका ४१ वर्षीय राजु पौडेल, चितवनका ३१ वर्षीय राजीव श्रेष्ठ, केशवप्रसाद मुडवरी, बाराका ४१ वर्षीय श्याम तामाङ र कैलालीका २८ वर्षीय प्रेम बडवाल रहेका छन् ।

वृत्तका प्रमुख प्रहरी नायब उपररीक्षक अपिलराज बोहराले ठूलो रकम हारजित हुने गरी जुवा खेलिरहेको सूचनाका आधारमा उनीहरूलाई पक्राउ गरिएको जानकारी दिए । प्रहरीले पक्राउ परेकासँग विभिन्न बैंकको ११ थान चेकबुक र एक बुक ताससमेत बरामद गरेको छ । पक्राउ परेकालाई जुवा ऐनअन्तर्गत अनुसन्धान भइरहेको प्रहरीले जनाएको छ ।

प्रकाशित : मंसिर २, २०७७ १०:४९
पूरा पढ्नुहोस्
प्रतिक्रिया
पठाउनुहोस्
×