काकाको हत्या आरोपित पक्राउ
गण्डकी — आफ्नै काकाको हत्या आरोपितलाई प्रहरीले ६ महिनापछि पक्राउ गरेको छ ।
ओखलढुंगाको सुनकोसी गाउँपालिका–५ घर भई पोखरामा ज्यालामजदुरी गर्दै आएका इन्द्रबहादुर तामाङ आइतबार पक्राउ परेका हुन् ।
उनलाई प्रहरीले लमजुङको मध्यनेपाल–२ सोतीपसलबाट पक्राउ गरेको हो ।
पोखरा–२० मजुवाबिसौना विजयपुर कोट पर्यटकीय पैदलमार्ग निर्माणको काम गर्दै आएका उनका काका टंकबहादुर वैशाख २१ मा मृत फेला परेका थिए । आफूले हत्या गरेको इन्द्रबहादुरले स्विकारेको कास्की प्रहरी प्रवक्ता सुवास हमालले बताए ।
प्रकाशित : कार्तिक ४, २०७७ १९:४२