एक लाख ४६ हजार नगदसहित १२ जुवाडे पक्राउ

कुखुराको खोरमा कौडा खेलिरहेका १२ जनालाई पक्राउ गरिएको जिल्ला प्रहरी कार्यालय गोरखाका डीएसपी वासुदेव खतिवडाले बताए । ‘एक लाख ४६ हजार रुपैयाँ नगदसहित ३९ वटा कौडा पनि बरामद गरेका छौँ,’ उनले भने । पक्राउ परेकाहरुलाई जुवा ऐनअन्तर्गत मुद्दा दर्ता गरी कारबाही प्रक्रिया अघि वढाउने प्रहरीले जनाएको छ ।

चाडबाड नजिकिएसँगै जुवातास खेल्ने गतिविधि बढेपछि निगरानी बढाइएको डीएसपी खतिवडाले बताए ।